Hlustaðu á lagið um Júllann – Togarinn sótthreinsaður

Bragi Þór Valsson tón­list­ar­kenn­ari hefur samið nýjan söng­texta við það sem hann kallað aðal­málið í dag, áhöfn­ina á frysti­tog­ar­anum Júlíusi Geir­munds­syni frá Ísafirði. Textann birtir hann í færslu á Facebook-síðu sinni og biður net­verja um að deila honum sem víð­ast.

„Hér er kom­inn glæ­nýr texti um aðal­málið í dag – áhöfn­ina á Júlla Geir­munds. Ef ykkur þykir þetta snið­ugt megið þið alveg deila,“ segir Bragi.

Björn Ingi

Á sama tíma og Bragi gefur út lag sendi Björn Ingi Hrafns­son, rit­stjóri Viljans, frá sér áskorun til lög­reglu­stjór­ans á Vest­fjörðum um að  kalla  menn til ábyrgðar. Þar seg­ist hann treysta á lag­anna verði til að standa undir ábyrgð og taka ekki þátt í þöggun útgerð­innar eftir lands­frægan Covid-túr frysti­tog­ar­ans. Út frá gíf­ur­legri reynslu sinni í kór­óna­veiru­faldr­inum full­yrðir rit­stjór­inn að þar sé á ferð­inni alvar­leg­asta til­vik far­ald­urs­ins sem beri að for­dæma af fullum þunga og án und­an­bragða.

Í dag var tog­ar­inn Júlíus Geir­munds­son sótt­hreins­aður hátt og lágt. Til leiks mætti fjöl­mennt starfs­lið í varn­ar­klæðum eins og með­fylg­andi mynd sýnir.

Júllinn sótt­hreins­aður í bak og fyrir í dag.

Þetta er ekki í fyrsta sinn sem Bragi tón­list­ar­kenn­ari gefur út lag. Mannlf greindi frá því þegar hann samdi rapp­lagið Smitrakn­ing­arappið. Rapp­ar­inn er tón­list­ar­kenn­ari við Tónskóla Hólma­víkur. Smelltu hér til að horfa á nýja rapp­lagið hans Braga Þórs, Smitrakn­ingarrappið.

Hér má finna áskorun Björn Inga í heild sinni:

Ágæti lög­reglu­stjóri,

Þú hefur eflaust –– eins og lands­menn allir ––fylgst í for­undran með atburða­rás und­an­far­inna daga vegna COVID-19 sýk­ingar sem kom upp um borð í tog­ar­anum Júlíusi Geir­munds­syni sem gerður er út frá Ísafirði. Upplýst er að veik­indi komu upp um borð þremur vikum áður en komið var í land og allar verk­lags­reglur um smit­sjúk­dóma í fiski­skipum verið þver­brotnar. Land­helg­is­gæslan og almanna­varnir ekki látnar vita um ástandið um borð, ekki haldið til hafnar í sýna­töku vegna far­sótt­ar­innar sem geisar í heim­inum, heldur ákveðið að láta eins og ekk­ert sé, þótt sífellt fleiri skip­verjar veikt­ust og fleiri væru útsettir fyrir smiti. Ekki gætt að ein­angrun veikra, heldur voru þeir látnir vinna veikir innan um ósýkta með þeim afleið­ingum að loks þegar skipið kom í höfn vegna brælu og til að taka olíu, varð ljóst að um stórt hópsmit var að ræða.

Af fréttum að dæma er emb­ætti þitt nú með málið til skoð­unar. Augljóst virð­ist að hefja beri opin­bera rann­sókn nú þegar. Umdæm­is­læknir sótt­varna á Vest­fjörðum hefur stað­fest að hafa marg­ít­rekað nauð­syn þess að skip­verjar kæmu í land í sýna­töku, en við því hafi ekki verið orðið. Í lögum er skýrt kveðið á um ábyrgð skip­stjóra og útgerðar á lífi og heilsu sjó­manna um borð og aug­ljóst öllum sem málið skoða, að þau lög voru þver­brotin í máli þessu.

Útgerðin harmar nú sinn hlut og segir þung­bært að sitja undir ásök­unum um að hafa stefnt lífi og heilsu skip­verja í hættu. Samt blasir við að það var einmitt gert. Og þótt afsök­un­ar­beiðni sé nú loks komin fram er hún lítt sann­fær­andi og hreint átak­an­legt að sjá fram­kvæmda­stjóra útgerð­ar­fyr­ir­tæk­is­ins skýra málið á þann veg, að menn hafi ein­fald­lega ekki vitað neitt um þessa veiru og því ekki vitað hvernig ætti að bregð­ast við.

Afsakaðu, en frá því í febr­úar hefur eig­in­lega ekk­ert annað verið í fréttum hér á landi og erlendis en einmitt þessi veira. Hún hefur náð á undra­skömmum tíma að setja allt hrein­lega á hlið­ina. Samtök fyr­ir­tækja í sjáv­ar­út­vegi hafa und­ir­geng­ist verk­lags­reglur með almanna­vörnum fyrir við­brögð við mögu­legu hópsmiti um borð í fiski­skipum og á dög­unum fengu bæði útgerð og skip­verjar á Valdimar GK hrós fyrir að hafa fylgt þessum reglum í einu og öllu. Sem gam­all Vest­firð­ingur veit ég að þú veist, að það er tóm della að útgerð­ar­menn Júlíusar Geir­munds­sonar hafi einir Íslend­inga ekki frétt af kór­óna­veirunni.

Þótt blási á móti í varn­ar­bar­átt­unni gegn veirunni, hefur margt verið gert prýði­lega hér á landi í við­brögðum almenn­ings, fyr­ir­tækja og opin­berra aðila. Ég hef fylgst vel með við­bún­að­inum frá fyrstu stundu, sótt vel á annað hund­rað upp­lýs­inga­fundi og skrifað heila bók um mál­efnið. Ég þori að full­yrða, að fram­koma útgerðar tog­ar­ans og skip­stjór­ans, sé alvar­leg­asta frá­vikið sem komið hefur upp hér á landi og nokkuð sem for­dæma ber af fullum þunga og án nokk­urra und­an­bragða.

Að þetta hafi gerst árið 2020 í upp­lýstu og sið­uðu sam­fé­lagi er þyngra en tárum taki. Enn verra væri, að lög­regla tæki þátt í að þagga það niður með und­an­brögðum. Það má ekki ger­ast. Það verður allur sann­leik­ur­inn í þess­ari sögu að koma fram.

Ég treysti því að lag­anna verðir standi undir sinni ábyrgð í þessum efnum og er viss um að lands­menn allir taki undir það.

Björn Ingi Hrafns­son, rit­stjóri Viljans.