Stefnir allt í grimmt kaupæði á degi einhleypra

Dagur ein­hleypra er á morgun eða „Singles’ Day.“ Þessi frekar ný til­komna hefð á upp­haf sitt að rekja til Kína. Þetta er í 11 sinn dag­ur­inn er hald­inn hátíð­legur og er þessi dagur, 11.11 orð­inn að stærsta versl­un­ar­degi heims og kepp­ast fyr­ir­tæki um athygli neyt­enda með alls­konar til­boðum.

Samkvæmt grein­ingu Forbes er gert ráð fyrir að versl­anir eigi eftir að bjóða enn betri til­boð á morgun en í venju­legu árferði þar sem smá­salar eru ákafir í að ná jafn­vægi eftir höggið vegna COVID-19. Efna­hagur Kína hefur þegar vænkast tölu­vert og neysla kín­verskra neyt­enda orðin sú sama og fyrir Kófið ef ekki enn meiri.

Þessi mikli versl­un­ar­dagur er að festa sig í sessi alþjóð­lega, segir í grein­ing­unni og þar er Ísland engin und­an­tekn­ing. Þá má líka ætla að jákvæðar fréttir af þróun bólu­efnis Pfizer og BioNTech gegn COVID-19 sem spurð­ust út í gær geti ýtt undir klaup­gleði fólks. En spyrjum að leikslokum.

Neyt­enda­vaktin tók saman nokkra versl­unar „við­burði“ sem hefj­ast á mið­nætti en hvetur neyt­endur auð­vitað til að stíga var­lega til jarðar og hugsa sig vel um áður en veskið er tekið upp. „Þarf ég þetta nauð­syn­lega,“ er mik­il­væg spurn­ing til að spyrja sig en það er auð­vitað alveg rakið að kaupa það sem vantar á góðum afslætti – nú eða jóla­gjaf­irnar ef ekki á að föndra þær!

Singles Day á heima­popup.is

Í kynn­ingu segir: „RISA Single´s day partý 11. nóv­em­ber og þér er boðið!“ Hér er um að ræða ein­hvers­konar vef­við­burð. Á annað hund­rað versl­anir taka þátt og bjóða til­boð, afslætti, kaupauka og fleira. Síðan fer í loftið á mið­nætti. Fólk er hvatt til að fara inn á

www.heimapopup.is

og skrá sig á póst­lista og verða svo látin vita þegar síðan fer í loftið. Tæplega 14.000 hafa sýnt við­brögð við þessum við­burði.

Singles day adi­das.is, reebok.is og GÁP

Versl­an­irnar adi­das.is, reebok.is og GÁP hafa tekið höndum saman og upp á sóla­hrings­við­burð. adi­das.is og reebok.is bjóða 30% afslátt af öllum vörum, gap.is býður 20-50% afslátt af völdum vörum, aðeins á net­inu. Versl­an­irnar bjóða jafn­framt upp á fría heim­send­ingu og 10% auka­af­slátt í formi sport­punkta. Um 411 manns hafa sýnt við­brögð við þessum við­burði.

1111.is

„Sturluð til­boð í sóla­hring,“ segir í kynn­ingu og þar segir líka að aldrei hafi jafn margar versl­anir tekið þátt. Rúmlega 13.000 manns hafa sýnt við­brögð við þessum við­burði.

Fjöl­margar aðrar versl­anir bjóða upp dúndur til­boð frá mið­nætti í kvöld – svo nú er ekki annað að gera en að hella uppá!