Heitar umræður eru meðal Vesturbæinga um grímurnar sem hrannast nú upp víða um hverfið eftir að notendur þeirra kasta þeim hvar sem þeim sýnist. Flestir íbúar hverfisins eru reiðir vegna umgengninnar.
Það er Victor Pétur nokkur sem stofnar til umræðunnar innan hverfisgrúbbu Vesturbæjar og birir þar myndaseríu sem hann tók á gangi um hverfið. Hann spyr aðra íbúa hverfisins einfaldrar spurningar í færslu sinni. „Eruð þið að grínast?!!,“ spyr Victor.
Það stendur ekki á viðbrögðunum meðal annarra íbúa. Flestir þeirra rjúka upp og segja hreinlega eitthvað að þeim sem hendi grímum sínum svona um hverfið. Hér sé um að ræða argasta dónaskap segja sumir.Anna Gísladóttir er ekki sátt.
„
Í fyrsta lagi enda flestar svona grímur í sjónum og náttúrunni og skaða hana, í öðru lagi eru fjölnota grímur miklu umhverfisvænni og hagstæðari og betri,“ segir Anna. Jónína Óskarsdóttir stingur upp á að hverfisbúar taki höndum saman.
„
Allir að hafa poka með sér, hanska og tína,“ segir Jónína. Jóhanna McDonald segir grímunotkunina ekki auðvelda.
„
Fyrir suma er þetta mjög erfitt að geyma í vasa þangað til það finnur rusl,“ segir Jóhanna.Á sama tíma ræða íbúar Langholtshverfis það sama, sóðaskap hverfisins vegna grímanna. Hera Sigurðardóttir íbúi tók þar til sinna ráða. Labbaði frá Goðheimum á Bugðulæk í gegnum Laugardalinn, týndi um 20 grímur sem ég sá. Var á hraðferð en sá fleiri og mikið af fjúkandi rusli. Lang mest var við Langholts- og Laugalækjarskóla. Hvet ykkur til að taka poka með í göngutúrinn,“ segir Hera.
Athugasemdir