Þessir eru „eftirlýstir“ í Norðlingaholti – Tuttugu strákar fara um hverfið með hamar

Íbúum í Norð­linga­holti líst illa á fjöl­mennt stráka­gengi sem nú fer um hverfið vopnað hömrum og veldur skemmd­ar­verkum víða.

Það er Hilma nokkur sem varar við geng­inu í hverf­is­hópi íbú­anna á Facebook. Hún segir hafa tekið nokkra dreng­ina tali sem grobbuðu sig þá af því að vera eft­ir­lýstir í hverf­inu. „Ég ræddi aðeins við hóp af ungum strákum sem voru með læti hér við Bjalla­vað rétt í þessu. Þeir voru td að fikta i ser­íum, gera dyraat og lemja húsið að utan með hamri. Þeir grobbuðu sig af því að þeir væru “eft­ir­lýstir í norð­linga­holti”. Aðal áhyggju­efnið mitt var að ham­ar­inn var not­aður á ansi margt og verið að kasta honum í hús, tré, grind­verk og name it. Hópurinn var ansi stór ca 20 strákar,“ segir Hilma.

Íbúar Norð­linga­holts blanda sér í umræð­una. Ein­hverjir furða sig á því hvers vegna drengirnir séu ekki í skól­anum á meðan aðrir benda á ólög­mæta hópa­myndum vegna Covid-sótt­varn­ar­reglna.

Tinna Björk er einn þeirra íbúa sem þátt tekur í umræð­unni. Henni finnst hér á ferð­inni engin venju­leg stráka­pör. „Að gera dyraat og kippa ser­íum úr sam­bandi er eitt… En að vera með hamar og lemja í hús er annað og alvar­legra mál. Getur ollið tjóni!,“ segir Tinna. 

Sigmar Þór nokkur seg­ist einnig hafa orðið var við stráka­gengið í Norð­linga­holti. „Varð var við þá, dingl­uðu x2 hjá mér (er heima með veikt barn) og svo virð­ist vera sem skemmd­ar­verk hafi verið unnið á einni rólu á milli Bjalla­vað 9 og 11,“ segir Sigmar.