Ragnar segir að fjórða Covid-bylgjan muni koma: „Við skulum ekkert láta okkur bregða“

Ragnar Freyr Ingv­ars­son, yfir­læknir Covid-göngu­deildar Land­spít­al­ans, segir að fjórða Covid-bylgja far­ald­urs­ins muni koma og jafn­vel megi búast við fleirum. Hann biður lands­menn um að láta sér ekki bregða.

Þetta kom fram í máli Ragnars í Morg­un­út­varpi RÚV í morgun. „Við vissum að önnur og þriðja bylgjan myndi koma og við skulum ekk­ert láta okkur bregða þó fjórða bylgjan komi,“ sagði Ragnar sem bendir á að ekk­ert far­ar­snið virð­ist á kór­óna­veirunni. Því þurfi þjóðin að búa við hana að minnsta kosti fram á næsta vor.

Að þessu gefnu seg­ist Ragnar þeirrar skoð­unar að leyfa eigi íþrótta­iðkun og lík­ams­rækt, með tak­mörk­unum þó, þannig að lands­menn geti haldið þetta út. Hann telur að alltaf sé þá hægt að bakka til­baka með losun hafta. Eitt af því sem Ragnari finnst skrítið nú er að sjá langar biðraðir fyrir framan stærð­ar­innar verlun­ar­hús­næði. „Það ögrar pínu­lítið því sem við vitum um veiruna. Við eigum að spila á það sem við kunnum. Mér finnst að við ættum að lifa betur með þessu, leyfa íþróttir í meiri mæli. Ég held við verðum að nota meira þá þekk­ingu sem við höfum aflað okkur og lifa með þess­ari veiru,“ sagði Ragnar og bætti við:

„Við vitum miklu meira en við gerðum í upp­hafi fyrstu, ann­arar og þriðju bylgju. Við áttum okkur núna á því miklu meira hvar veiran smitar; hún smitar mest þegar fólk er að hitt­ast í heima­húsum innan fjöl­skyldna og á öld­ur­húsum þar sem áfengi er um hönd.“