Ágústa Eva segir Íslendinga aumingja fyrir væl um engin knús: „Búhú. Það eru fleiri tragedíur“

Ágústa Eva Erlends­dóttir, söng- og leik­kona, lætur þjóð­ina heyra það í harð­orða stöðu­færslu sem hún birtir á Facebook. Hún segir sótt­varna­brot Bjarna Bene­dikts­sonar í Ásmund­ar­sal vera algjöran titt­linga­skít í sam­an­burði við margt. Í athuga­semdum við færsl­una segir hún að fólk geri allt of mikið úr því að fá ekki hitta aldr­aða ætt­ingja, það sé smá­mál miðað við hryll­ing heims­ins.

„Sífellt kemur smá­borg­ar­inn Íslenski spark­andi á óvart. Kvart­andi undan hári í súpu og vill leggja allt niður og loka, á sam­fél­gs­miðla­hrífufundi. Einn byrjar að sparka og svo koma þeir allir spark­andi, hver öðrum reið­ari, yfir hel­vítis hár­inu sem HEFÐI getað kyrkt ein­hvern. Í alvör­unni, af öllu því sem er búið að ganga á síð­asta árið þá er þetta Ásmund­ar­sals­mál, það mál sem er hvað alvar­leg­ast af öllu? Fólk virð­ist vera að rað­trompa hvert annað hérna í þessum gáfu­manna­sam­fé­lags­sauma­klúbbi. Framtiðin er björt SUF og þið hin, þið vitið hver þið eruð. Áfram Ísland. #bjarni­ben,“ skrifar Ágústa.

Nokkrir svara henni til baka. Þar á meðal Berglind Krist­ins­dóttir sem segir: „Mér er drullu­sama hvort það var Bjarni Ben eða Stína frænka sem fóru í þetta teiti, mér er hins vegar alls ekki sama um þá stað­reynd að á sama tíma má ég ekki hitta 99 ára gamlan afa minn sem liggur fyrir dauð­anum. Mér er ekki sama um að fá ekki að verja tíma með honum þó að sorgin sè í raun ekki mín né að mér beri að vor­kenna heldur allra þeirra sem eru einir og deyj­andi líkt og afi minn og svo miklu fleiri. Þó svo að margt annað í heim­inum skipti miklu meira máli en brot Bjarna Ben þá finnst mér fram­koma hans samt sem áður skít­leg.“

Ágústa gefur ekk­ert eftir og svarar til baka: „Búhú. Það eru fleiri tra­gediur, alvar­legri og sorg­legri en sand­kornin undir hus­inu þinu en að fa ekki að knúsa afa sinn. Sorry en eg hef enga samúð með þessu dæmi þó mér þyki vænt um þig Berglind. Lífið er tals­vert ljót­ara og mis­tökin mun alvar­legri en þessi meintu mis­tök bjarna að vera of lengi á sölu­sýn­ingu. Get a grip people. Ef þu vilt kenna ein­hverjum um að geta ekki hitt afa þinn þa eru þeir fjöl­margir, og islenskir og frægir i þokka­bót en Bjarni er ekki einn af þeim.“

Ágústa er þó ekki hætt því önnur kona segir þetta hafa verið ömur­lega jóla­kveðju frá Bjarna. Því svarar hún af sömu hörku. „Einmitt, íslensku jólin! Það er nottla það heilag­asta og það að grenja yfir þvi að hitta ekki ætt­ingja sem hafa það himneskt, og reyndar líka við sjálf miðað við allt og allt. Við höfum Rauða­kross­inn… hvað er það versta sem getur gerst eða hefur gerst i þessu öllu saman? Eru íslensku jólin og skæp­session í lélegum gæðum það dýpsta sem við förum? Hver nk er mæli­kvarð­inn?,“ spyr Ágúst og heldur áfram:

„Á Bjarni Ben að vera fyr­ir­mynd þess sem ALLIR eiga að gera? Er hann ráð­inn til þess? Eruð þið alltaf með hreinar grímur? Spritt­iði pos­ann eftir hverja notkun? Hver sagði fyrir örfáum mán­uðum að grímur væru gagns­lausar? Var það Bjarni? Nei það var sótt­varn­ar­læknir. Eigum við að rekja ein­hver dauðs­föll, atvinnu­leysi og gjald­þrotum til þess­ara umm­mæla eða ann­ara ákvarð­anna sem voru teknar eða ekki teknar?? Eða eigum við ekki bara að láta Bjarna segja af sér afþví að hann var í partý? Meikar þetta virki­lega sens fyrir ykkur??“