Breiðhyltingar óttast betlara við Bónus: „Leið ekkert vel með þetta“

Breið­hylt­ingar ræða sín á milli betl­ara sem sagður er venja komur sínar í verslun Bónus í Hóla­garði. For­eldrar í hverf­inu ræða meðal ann­ars hvernig þeir geti komið í veg fyrir ótta barna sinna í garð betlar­ans.

Ísabellu nokk­urri brá nýverið í brún þegar hún skellti sér í Bónus og lýsir hún reynslu sinni inni í hópi hverf­is­búa á Facebook. „Fór í Bónus hérna uppí hól­unum áðan og dóttur minni brá heldur betur í brún þegar erlend kona (lík­lega eitt­hvað skert) alls ekki að dæma eða neitt svo­leiðis. En þessi kona labb­aði á móti okkur og var að betla pen­ing og stóð þarna og hefur lík­lega staðið þarna í marga klukku­tíma,“ segir Ísabella og heldur áfram:

„En dóttur minni leið ekk­ert vel með þetta og var bara uhh, mamma er þetta eðli­legt að fólk sé að betla pen­ing og hvað þá fyrir framan leik­skóla og búðir? Hvað ætti ég að gera ef hún myndi bara elta mig út um allt ef ég væri að fara ein eða með vin­konu minni út í búð að kaupa brauð eða mjólk? Þá fór ég að hugsa. Já, sumir krakkar gætu verið virki­lega hræddir, svo ég velti því fyrir mér hvað best væri að gera til að útskýra fyrir börnum varð­andi svona.“

Flestir íbúar Breið­holts­ins sem taka þátt í umræð­unni kann­ast við betl­ar­ann og hafa mætt við­kom­andi víða í hverf­inu, meðal ann­ars við sun­laug­ina í hverf­inu. Birna er ein þeirra. „Ég hef mætt henni oft þegar ég er að labba með hund­inn og hún biður um pen­ing í hvert skipti, fyrir 2 vikum var hún síðan að kíkja ofan í rusla­tunn­urnar fyrir utan heim,“ segir Birna

Erna virð­ist líka kann­ast við við­kom­andi. „Dóttir mín sem er 8 ára er altaf að tala um ein­hverja konu sem spyrja um pen­ing­ana,“ segir Erna.

Guðbjörg telur um skipu­lagði starf­semi að ræða. „Ég held því miður að hún sé notuð til að betla fyrir fjöl­skyld­una, ég sá hana síð­asta sumar fyrir utan Jóru­fellið og var búin að vera þar í marga klukku­tíma þar, ég hélt að hún væri týnd og fór út að tala við hana, en hún sagð­ist ekki skilja sagði bara no,no. Svo kom bróðir hennar á bimma og sagði að þetta væri allt í lagi og að hún væri fötluð. En hún er mikið ein og er að betla“, segir Guðbjörg.