Biggi lögga segir stríðið gegn dópi tapað: „Sú orka sem hefur farið í baráttuna hefur engu skilað“

Birgir Örn Guð­jóns­son, lög­reglu­maður sem yfir­leitt er kall­aður Biggi lögga, segir komið nóg af núver­andi stefnu í fíkni­efna­málum. Hann segir í umsögn vegna frum­varps um afglæpa­væð­ing neyslu­skammta að bar­átta stjórn­valda hafi engu skilað. Stríðið gegn fíkni­efnum sé lokið og þau unnu.

„Ég hef starfað sem lög­reglu­maður í hart nær tvo ára­tugi og þessi mála­flokkur er mér afar hug­leik­inn. Ég er hef kynnt mér þessi mál vel og hef m.a. verið í tengslum við Pompidou group of the council of Europe og haldið fyr­ir­lestur á ráð­stefnu um þessi mál­efni á þeirra vegum með full­trúum lög­reglu­liða víðs­vegar úr heim­inum. Ég hef einnig unnið mikið í for­vörnum í lög­regl­unni og leitt ákveðin stefnu­mót­andi verk­efni á þeirra vegum. Ég er sömu­leiðis með­limur í LEAP sem eru alheims­sam­tök lög­reglu­manna sem berj­ast fyrir mann­úð­legri nálgun í fíkni­efna­málum. Þessi skoðun mín og sýn er mín per­sónu­lega sýn á þessum mála­flokki,“ skrifar Birgir.

Hann segir gömlu stefn­una skað­lega öllum. „Sú stefna sem verið hefur við líði síð­ustu ára­tugi er við­kemur glæpa­væð­ingu ákveð­inna vímu­efna er ekki aðeins tíma­skekkja, heldur bein­línis skað­leg fyrir bæði ein­stak­linga og sam­fé­lagið í heild. Það hjálpar ekki á neinn hátt að merkja þann sem afbrota­mann sem notar eða hefur ánetj­ast vímu­efnum. Þvert á móti eru þá auknar líkur á jað­ar­setn­ingu og auknum félags­legum vanda­málum. Bæði fyrir ein­stak­ling­inn sjálfan og fjöl­skyldu hans. Ein afleið­ing þeirrar jað­ar­setn­ingar er aukin hætta á að við­kom­andi vilji ekki opin­bera vanda sinn og leita sér aðstoðar,“ segir Birgir.

Hann segir að með þessu von­ist hann til þess að fíkni­efni verði ekki talin eðli­leg. „Afglæpa­væð­ing er síðan ekki á neinn hátt sam­þykki eða „normaliser­ing“ á vímu­efnum eins og sumir virð­ast ótt­ast. Síður en svo. Ekki frekar en t.d. að það sé normaliser­ing á sígar­ettum að þær séu ekki ólög­legar. For­varnir þar sem unnið er mark­visst að minni eft­ir­spurn eftir vímu­efnum, sem og fræðsla um hugs­an­lega skað­semi mis­mund­andi efna er mjög mik­il­væg í þessu ferli,“ segir Birgir.

Hann segir stríðið gegn fíkni­efnum hafa engu skilað. „Sú orka og það fjár­magn sem hefur farið í bar­átt­una gegn vímu­efnum hefur því miður engu skilað. Þar tala allar tölur og rann­sóknir sínu máli. Sífellt fleiri þjóðir eru að vakna upp og átta sig á þeirri stað­reynd. Það er löngu kom­inn tími til að breyta um aðferð. Það skref sem hér um ræðir er bæði mann­úð­legri nálgun og mun lík­legri til árang­urs.“