10 ástæður til að sakna Covid-grímunnar

And­spyrnu­hreyf­ing sótt­varna­að­gerða hér­lendis hefur einna helst barist gegn almennri grímu­skyldu í Covid-far­aldr­inum og skiptar skoð­anir hafa verið um ágæti grím­anna. Í fyrstu bylgju far­ald­urs­ins var gríman ekki gerð að skyldu­bún­aði en það var hins vegar gert í annarri og þriðju bylgju. Sjálf­sagt verða margir fegnir við að losna undan grímu­skyld­unni hér á landi, hvenær sem það verður, en þá er líka rétt að renna aðeins yfir helstu kosti grímunnar. Hér koma 10 dæmi.

1. Ver okkur fyrir fleiri sýk­ingum en Covid. Til dæmis hefur tíðni hinnar árlegu flensu sjaldan verið lægri.
2. Við höfum búið í svo að segja and­fýlu­lausu sam­fé­lagi.
3. Frunsur sjást ekki.
4. Leið­inda­bólurnar á hök­unni eru sömu­leiðis ósýni­legar.
5. Það er hægt að þykj­ast ekki þekkja fólk sem maður nennir ekki að spjalla við og ef það gengur ekki upp getur maður alltaf kennt grímunni um. ,,Ég bara ÞEKKTI þig ekki!”
6. Unnt að  spara stórfé í snyrti­vörum með að sminka aðeins efri hluta and­lits­ins.
7. Óvel­komnir kossar frá fólki (aðal­lega vinum sem þér lík­aði ekki einu sinni við í skóla eða leið­in­legum ætt­ingum) eru liðin tíð. Enginn getur ekki slummað á mann einum blautum.
8. Gríma getur verið tísku­vara. Það er auð­velt að tjá smekk og per­sónu­leika með teg­und grímu og auð­velt að finna allar gerðir stíla og jafn­vel grímu með skila­boðum. Sjálf hef ég dundað við að bæta í ,,ljótu/frum­lega grímusafnið mitt”. Sem er að verða mjög veg­legt.
9. Góð gríma er hlý og fyrir fólk eins og mig sem hefur til­hn­eyg­ingu til að vera sífellt kalt á nef­inu, hrein himna­send­ing að vetri til
10. Auðvelt að fela und­ir­hök­una með réttri teg­und af grímu. Bara prófa sig áfram.