Gríðarlegur munur á verði símafyrirtækjanna – VERÐKÖNNUN – Þú getur sparað 94 þúsund

Með því að skipta við ódýrasta sím­fyr­ir­tækið hér á landi getur þú sparað þér tæpar 100 þús­und krónur á ári. 69 pró­senta verð­munur er á hæsta og lægsta verði síma­fyr­ir­tækj­anna sam­kvæmt verð­könnun Mannlífs. Það dýrasta Vodafone, var jafn­framt með helm­ingi minna magn gíga­bæta en það ódýrasta Hringdu. 

Það marg­borgar sig að vera með­vit­aður um það hvaða síma- og net­þjón­ustu­fyr­ir­tæki býður bestu kjörin. Því komst Mannlíf að í verð­könnun vik­unnar. Það má með sanni segja að það er ekki hlaupið að því að gera verð­sam­an­burð á net- og síma­þjón­ustu. Bæði er um að ræða ólíkar teng­ingar, ljós­leið­ara eður ei og margs konar þættir sem geta því haft áhrif á verðið. Reynt var eftir fremsta megni að bera saman sem lík­astar þjón­ustu­leiðir síma­fyr­ir­tækj­anna og reynt að gæta fyllsta rétt­lætis með því að hafa sam­band sím­leiðis og fá ítar­legar upp­lýs­ingar.Fyr­ir­tækin sem haft var sam­band við voru: Síminn, Nova, Hringdu, Vodafone og Hring­iðan.  Kannaðar voru tvær mis­mun­andi leiðir með þarfir fjöl­skyldna í huga. Tölu­leikja­spilun var mikil á heim­il­inum í báðum dæm­unum, en það er sem dæmi einn af þeim þáttum  sem skipta miklu máli þegar valin er áskrift­ar­leið.  Miðað var við ljós­leið­ara­teng­ingu í könn­un­inni. Símtöl og smá­skila­boð inn­an­lands, bæði úr heima­síma og far­símum eru inni­falin í öllum verðum.

Verðin sem eru gefin hér upp eru mán­að­ar­gjöld. Öll fyr­ir­tækin gáfu upp verðin með aðgangs­gjald­inu 3.590 krónum nema eitt en það var Hring­iðan sem ekki gaf það upp (gjaldi bætt við í könnun). Vakin er athygli á því að það eru fleiri leiðir í boði hjá fyr­ir­tækj­unum en tekin var hag­stæð­asta leið án þess að vera með áskrift af sjón­varps­stöð eða aðra þjón­ustu. 

Þrír farsímar og heimanet, endalaust gagnamagn

Vodafone er með hæsta verðið á þjón­ust­unni en Hringdu þá ódýr­ustu. Neyt­and­inn borgar 7.801 krónu meira á mán­uði hjá Vodafone. Munurinn er 69 pró­sent. 

Heimasími, heimanet og tveir farsímar

Vodafone er einnig með hæsta verðið á þjón­ust­unni hér og Hringdu enn með það lægsta. Neyt­and­inn borgar 7.691 krónu meira á mán­uði hjá Vodafone. Þó ber að hafa í huga að Vodafone er ein­ungis með 50GB (buðu ekki upp á 100GB) en Hringdu bauð 100GB svo mun­ur­inn er í raun enn meiri. Munurinn er mik­ill eða 68 pró­sent.