Mennirnir, sem kærðir voru fyrir að nauðga íslenskri konu á Kanaríeyjum, eru innflytendur. Vegna slæmrar hegðunar höfðu þeir verið reknir í burtu af hótelum Rauða Krossins sem ætluð eru innflytjendum. Einn mannanna hefur verið kærður áður fyrir svipað athæfi. Mennirnir eru frá Norður-Afríku, af Maghreb uppruna. Fólki er að vonum brugðið í samfélagi sem allajafna er friðsælt og öruggt.
„Þetta er mjög þétt og gott samfélag hjá okkur hérna á Kanaríeyjum. Þeir sem koma í heimsókn segja allir það sama ,,hér væri ég til í búa” segir Guðbjörg Bjarnadóttir, sem búsett hefur verið á Gran Canaria eyjunni í rúm 20 ár.
Fólki illa brugðið
Guðbjörgu segir Íslendingunum illa brugðið. ,,Það er mikið utanumhald um náungann og ef einhvað kemur upp er alltaf aðstoðin við hendina og allir tilbúnir að rétta hjálparhönd.Hér er mikil samheldni, eins og á Íslandi og komi eitthvað upp á þjöppum við okkur saman og það er eins með hina innfæddu. Það er með þá eins og samlanda okkar að ef eitthvað er hlaupa þeir einnig upp til handa og fóta til aðstoðar.“Guðbjörg segir þetta eiginlega bara eins og lítið þorp úti á landi nema hvað að það sé heldur fjölmennara en flest sjávarplássin okkar. Allir séu flestir til að aðstoða náungann, jafnt Íslendingarnir sem Spánverjarnir.Samkvæmt kærunni, sem konan lagði fram á sunnudag, þá hafði hún staldrað við um kvöldið og talað við mennina til að spyrjast um stöðu þeirra og þá átti hópnauðgunin sér stað.Konan fékk læknisvottorð þar sem gerð er grein fyrir áverkum sem gætu staðfest sem gerðist. Mennirnir voru handteknir tveimur sólarhringum síðar.
Athugasemdir