Steinar nokkur var alls ekki hrifinn af nýlegri ferð sinni á veitingastað KFC í Hafnarfirði. Hann segir að heimsóknin hafi einfaldlega verið ömurlega í alla staði.
Steinar segir frá upplifun sinni í hinum fjölmenna hópi matgæðinga á Facebook, Matartips. Þar segir hann.
„KFC á rangri vegferð. Í áraraðir hafa landsmenn notið skyndibita þeirra með bros á vör og gera raunar margir en. Eitthvað virðist þó hafa farið úrskeiðis þegar ég og félagi minn lögðum leið okkar þangað fyrir örskömmu og þá staðinn í hafnarfirði. Staðurinn óþrifalegur, áhuga og mettnaðarlaust starfsfólk annrs hugar og illa til reyka, sóttvörnum verulega ábótarvant, starfsfólk þar að finna sem var ekki í hönskum við matseldina og ólíkt viðmót til þeirra sem lögðu leið sína inná staðinn til samanburðar við þá sem sóttu sínar veitingar í bílalúguna,“ segir Steinar og heldur áfram:
„Þetta birtist í því að þeir sem mættu í lúguna fengu kveðjuna „Velkomin á KFC get ég aðstoðað“. Þeir sem lögðu leið sína inná staðinn mættu þó gerólíku viðmóti, enginn sem bauð þá velkomna og maturinn afar bágborinn, staðurinn óþrifalegur. Sem viðskiptavinur að ég hélt þessa ágæta matsölustaðar til margra ára vona ég að fleiri þurfi ekki að lenda í viðlíka reynslu. Ein svona upplifun þykir nóg.“
Þegar hér er komið við sögu fara matgæðingarnir að streyma fram með sögur sínar. Fjölmargir virðast deila reynslu sinni með Steinar á meðan aðrir eru ánægðir með þjónustu KFC. Helgi tilheyrir fyrri hópnum. „Hafnarfjarðarstaðurinn er með leiðinlegasta viðmótið , og hefur verið lengi,“ fullyrðir Helgi.
Aníta er ein þeirra sem er ósammála. „Vá ég á ekki þessa reynslu af staðnum, heldur akkúrat öfugt! Ég týndi bíllyklinum mínum og þeir gerðu allt til að hjálpa mér, meira segja leituðu í ruslinu fyrir mig. Allir mjög almennilegir og allt þrifalegt,“ segir Aníta.
Athugasemdir