Rúrik Gíslason: „Það er dálítið gaman að stuða fólk“

Fyrrum fót­bolta­kapp­inn Rúrik Gíslason er að slá í gegn í þátt­unum „Allir geta dansað“ í Þýska­landi. Rúrik segir að ekki hafi allir verið sam­mála um að hann ætti að taka þátt, sumir hafi haft sínar efa­semdir: „Kannski varð það frekar til þess að ég tók þátt. Ég vil ekki festa mig, heldur víkka sjón­deild­ar­hring­inn, læra og gera nýja hluti. Kynnast nýju fólki sem er að gera öðru­vísi hluti en ég er vanur. Það er einmitt það sem er svo gaman við að taka þátt í danskeppn­inni, að hitta fólk með ólíkan bak­grunn, alls staðar að úr heim­inum. Það er ómet­an­leg reynsla.“

Rúrik seg­ist leið­ast það þegar fólk setur sjálft sig og aðra í kassa: „Það er dálítið gaman að stuða fólk og gera eitt­hvað óvenju­legt og nýtt eða kjána­legt, eitt­hvað sem gæti hugs­an­lega veitt fyll­ingu í líf­inu. Það er hvatn­ing að vera smá rebel. Skoðanir ann­arra eiga aldrei að setja bremsu á líf manns.“

Hann segir það jafn framt óþarfi fyrir fólk að hafa skoðun á öllu og seg­ist hann stundum spyrja sjálfan sig að því hví hann hafi skoðun á ein­hverju sem komi honum ekk­ert við: „Það sem skiptir mig máli er að fólkið mitt, fólkið sem skiptir mig veru­lega máli, sýni stuðn­ing og jákvæðni. Og þau gera það.“

Rúrik var í helg­ar­við­tali Mannlífs, við­talið má lesa í heild sinni hér.