Skreytingar í Reykjanesbæ vekja óánægju: „Með því ljótara sem ég hef séð“

„Guð hjálpi mér hvað skreyt­ing­arnar á Hafn­ar­göt­unni í ár eru HRIKALEGA ófríðar, fyrir utan að það er bara NÚLL páska­legt við þetta!“ Skrifar Sunna nokkur, íbúi Reykja­nes­bæjar í Facebook hóp bæj­ar­ins.

Virðast margir vera á sama máli, en ein skrifar: „Svo sam­mála , keyrði Hafn­ar­göt­una áðan og var að velta fyrir mér hvað þetta væri eig­in­lega.“

„Með því ljót­ara sem ég hef séð,“ skrifar önnur.

Árni nokkur skrifar: „Hehe þetta er eins rusl sem flækst hefur á hríslu í roki.“

„Guð minn góður þetta er hræði­legt, væri gaman að vita hver kom með þessa hug­mynd,“ skrifar Hólm­fríður.

Helga nokkur vill meina að þetta lík­ist bollu­vendi sem hafi fokið út í veður og vind á meðan önnur veltir því fyrir sér hvort ein­stak­ling­ur­inn sem sett hafi upp skreyt­ing­una hafi verið á ein­hverju.

En eins og stundum áður eru skoð­anir fólks skiptar og aðrir lýsa yfir ánægju sinni með páska­skreyt­ing­una:

„Ég var einmitt að dást af þessu. Finnst þetta bara MJÖG SMART,“ skrifar Rannveig nokkur.

Kona ein skrifar: „Þetta er bara svo sætt, líf­legt og fal­legt. Ekki svo mikið hægt að planta þarna á þessum árs­tíma nema ein­hver eigi frostrósir á lager.“

Annar íbúi bæj­ar­ins skrifar: „Mér fannst þetta nú bara krútt­legt og minnti mig á pásk­ana. Og einmitt hugs­aði til barn­anna minna sem hefðu elskað þetta.“

Og enn annar skrifar: „Ég keyrði einmitt þarna fram hjá í dag með sjö ára barna­barnið og þetta gladdi hjarta hennar og mitt reyndar líka. Gott að fá smá liti inn í lífið þessa dag­ana.“