Svo virðist sem eitthvað sé um það að hundar séu í einhverjum tilvikum lausir á svæðinu við Rauðahóla og sumir glefsi til fólks. Andrea skrifaði eftirfarandi færslu á hópinn Norðlingaholt Town í gær:
„Í gærmorgun, laugardag, vorum við nokkur að hlaupa stíginn meðfram Rauðhólum. Við mætum manni með hund í bandi sem stekkur upp og bítur í lærið á einum úr hópnum. Ekkert okkar kannast við eigandann en viljum bjóða honum að hafa samband með því að senda mér skilaboð eða að minnsta kosti hafa það í huga að passa betur uppá hundinn sinn í þessu barnmarga útivistarhverfi.“
Hrafnkell Freyr segist hafa lent í svipuðu atviki. „Þá var kona með 2x Schaeffer og annar glefsaði til mín þegar ég tók framúr og bauð góðan dag. Hann náði ekki til mín en það var óþægilegt.“
Helena segir: „Úff, þetta er það sem ég er svo hrædd að lenda í eða börnin mín.“
Guðrún Íris spyr hvort vitað sé hvernig hundur þetta sé. „Mjög leiðinlegt að heyra þetta sem hundaeigandi í Norðlingaholti.“
Andrea svarar að um ljósan íslenskan hund sé að ræða: „Er hundaeigandi sjálf og líka sá sem var bitinn þannig að það er fullur skilningur á því að þetta sé ömurlegt fyrir alla aðila. En ég á líka börn og hleyp mikið hérna í nágreninu og lendi ítrekað í því að fá lausa hunda hlaupandi að mér og hoppandi uppá mig.“
Torfi segist hafa lent í sambærilegu atviki. „Var þá að skokka á hryggnum milli Rauðavatns og Paradísardals. Fæ á móti mér ljósan hund sem ekki var í ól, hann stökk upp á lærið á mér og beitt í aftanvert læri. Svipaður áverki og á myndinni sem hér er deilt. Ræddi stuttlega við eigendurna sem á eftir komu og bað þau um að hafa hundinn í bandi.María Tinna telur að meira þurfi að gera: „Ef sami hundur er að bíta alltaf í göngu með eigendum sínum er þá ekki eitthvað meira sem þarf að gera svo ekki verði alvarlegra slys . Barn sem er minna fær kanski glefs í andlitið eða verra. Vonandi sjá eigendur hundsins þennan þráð og leita með hundinn til atferlisráðgjafa.“
Athugasemdir