Erling segir öfgahægrið hafa sigrað: „Mannréttindi að flandra um eftirlitslaust á tímum plágu“

Erling Ingvason, tann­læknir og sam­fé­lags­rýnir, segir ein­ungis tvo hópa hafa sigrað þegar Hér­aðs­dómur Reykja­víkur kvað upp úrskurð um að ríkið hefði ekki mátt skikka á sótt­varna­hót­elið. Það hafi verið vafa­samir lög­menn og öfga­hægrið.

„Hverjir unnu? Svar: Enginn. Nú mæta þeir gleið­bros­andi í við­töl, þessir sem kalla mætti „ambulance-chasers“ upp á eng­il­sax­nesku, í lög­manna­stétt og hrósa sigri yfir „Gúlaginu“ (sótt­kví­ar­hót­el­inu) í Þór­unn­ar­túni. Geng­is­fell­ing hug­taka er ekki ný af nál­inni en þarna settu þeir met í ósmekk­leg­heitum; Aleksandr Solzhenitsyn snýr sér í gröf­inni og fussar og sveiar,“ skrifar Erling á Facebook.

Hann segir að svo geti stuðn­ings­menn Sigríðar Andersen fagnað. „Eins gleðst ákveð­inn kimi Sjálf­stæð­is­flokks­ins sem kalla má stuðn­ings­menn Sigríðar Andersen (öfga-hægrið). Þeir telja þetta mik­inn sigur fyrir mann­rétt­indin, eins og það séu almenn mann­rétt­indi að fá að flandra um eft­ir­lits­laust á tímum plágu. Vandinn við þetta er sá að það situr rík­is­stjórn sem þetta fólk styður sem getur ekki sett reglu­gerð og/eða lög sem halda, það er eng­inn sigur, það er bara til marks um van­hæfi þeirra eigin fólks, ofan í ofstækið,“ segir Erling.

Hann segir þetta fólk á lágu plani. „Það eru fleiri og nýleg dæmi um van­hæfi og klúður Sigríðar þess­arar sbr. Lands­rétt­ar­málið ef ein­hver er búinn að gleyma því. Nýlega hélt hún því fram að það væri engin COVID-bylgja í gangi, hún var í raun­inni að halda því fram að þetta væri bara „fake-news“ frá Þórólfi og co, svo lágt er planið sem þetta fólk finnur sig á,“ segir Erling.

Vanhæfni rík­is­stjórn­ar­innar sé svo fyrst og fremst ástæðan fyrir því að svo fór. „Þing­meiri­hluti Sjálf­stæð­is­flokks, Fram­sóknar og VG hefur haft, ekki minna en 14 mán­uði til þess að búa þannig um lagaum­hverfið að emb­ætti sótt­varn­ar­læknis og heil­brigð­is­ráð­herra lentu ekki í þess­ari stöðu.  Van­hæfnin, hringland­inn og kæru­leysið innan rík­is­stjórn­ar­innar er á þeim skala að manni blöskrar. Hugur minn er hjá Þórólfi Guðn­a­syni og sam­starfs­fólki; þetta reglu­gerðar-fíaskó er það síð­asta sem það átti skilið.“