„Halló fallegu konur, ég heiti Villy og ég er 34 ára gamall hermaður frá Lettlandi.
Líkami minn er sterkbyggður og stæltur. Við getum farið á veitingastað, átt skemmtilegt spjall og síðan get ég látið drauma þína rætast í rúminu;) Hringdu í mig hvenær sem er og ég mun gera þig glaða.“
Svo hljóðar auglýsing inni á vefnum City of love, þar sem karlmenn og konur bjóða fram fylgdarþjónustu sína. Alls eru 771 einstaklingar á Íslandi að auglýsa slíka þjónustu á síðunni. Villy er þó í algjörum sérflokki þar sem hann virðist vera eini karlmaðurinn á Íslandi til að auglýsa þjónustu sína á vefnum.
Villy stofnaði aðgang sinn á síðunni þann 8. mars síðastliðinn, en hefur verið á landinu í um það bil hálft ár. Aðpurður hvort mikið sé að gera hjá honum í fylgdarþjónustunni hafði hann þetta að segja:
„Ég er mjög upptekinn.“
Í samtali við Mannlíf segist Villy ekki hafa flutt til Íslands til að gerast fylgdarsveinn, en hann hafi í kjölfar komu sinnar hingað ákveðið að reyna fyrir sér á þeim vettvangi, þar sem hann hafi tekið eftir að engir karlmenn væru að auglýsa þjónustu sína hér á landi. Villly er í annarri vinnu, en segir þetta vera gott auka starf og margar konur hafi nýtt sér þjónustu sína.
Villy tekur einungis að sér kvenkyns viðskiptavini og tekur aðeins við reiðuféi. Hann tekur 200 dollara fyrir klukkutímann, eða um 25.000 krónur íslenskar, 650 dollara fyrir fjóra klukkutíma, eða rúmar 80.000 krónur og 1000 dollara fyrir sólarhringinn sem gera rúmar 127.000 krónur íslenskar.
Athugasemdir