Naktir íslenskir karlmenn kúgaðir vegna kynferðislegra myndbanda – Lögreglan: Ekki borga!

Und­an­farið hefur Lög­regl­unni á höf­uð­borg­ar­svæð­inu fengið til­kynn­ingar um fjár­kúg­un­ar­til­raunir tengdar kyn­ferð­is­legu mynd­spjalli á net­inu.

Frá þessu er greint í til­kynn­ingu Lög­regl­unnar á höf­uð­borg­ar­svæð­inu í dag.

Hafa karl­menn fengið skila­boð á Instagram frá erlendum konum þar sem þeir eru beðnir um að setja upp Google Hangouts spjall­for­rit til að ræða við þær.
Afar fljótt verður sam­talið kyn­ferð­is­legt. Þegar líður á sam­talið og mað­ur­inn hefur berað sig fyrir framan mynda­vél­ina er upp­taka af honum sýnd í spjall­glugg­anum þar sem konan var áður.
Maðurinn er því næst kraf­inn um greiðslu, ann­ars verði mynd­bandið sent vinum hans á Facebook og Instagram.

Þeir sem verða fyrir slíkum hót­unum eru hvattir til að greiða ekki: ekk­ert hefst upp úr því annað en áfram­hald á kúg­unum, segir á síðu Lög­regl­unnar.

Fólki er bent á að hægt sé að til­kynna um mál sem þessi í net­fangið [email protected]
Upp­lýs­ingar sem gott er að fylgi til­kynn­ing­unni eru meðal ann­ars Instagram reikn­ing­ur­inn sem fyrst var haft sam­band úr, net­fangið á Google Hangouts reikn­ingnum og upp­lýs­ingar um hvert á að greiða kúg­ar­anum (reikn­ings­númer).