Þetta eru mennirnir á bak við hina alræmdu BPO innheimtu

Menn­irnir á bak við hið umtal­aða fyr­ir­tæki BPO inn­heimta ehf eru: Guð­laugur Magn­ús­son, Gunnar Svavar Frið­riks­son, Kjartan Gunn­ars­son og Graham Rankin.

BPO inn­heimta ehf hefur mikið verið í umræð­unni und­an­farna daga eftir að fyr­ir­tækið hafði fest kaup á kröfum fimm smá­lána fyr­ir­tækja. Í kjöl­farið aug­lýstu þeir svo „kosta boð“ til skuld­ara sinna er þeir greiddu upp sínar skuldir við fyr­ir­tækið fyrir 15. Maí næst kom­andi. Eins og fram hefur komið hafa skuld­arar verið að lenda í því að við þetta er ekki staðið jafn­framt því að kröfur hafa allt að tvö­fald­ast á sól­ar­hring í heima­bönkum þeirra. Mannlíf kann­aði menn­ina á bak við fyr­ir­tækið.

Samkvæmt skráningu RSK

Samkvæmt skrán­ingu RSK er Guð­laugur Magn­ús­son eig­andi BPO inn­heimtu, Gunnar Svavar Frið­riks­son stjórn­ar­for­maður og þeir Kjartan Gunn­ars­son og Graham Rankin stjórn­ar­menn.

Guðlaugur Magnússon er sá sem hefur hvatt til gjaldtöku á ferðamannastöðum enda meðstofnandi fyrirtækisins Bergrisi sem sérhæfir sig í hugbúnaðarlausnum fyrir sjálfvirka gjaldtöku á ferðamannastöðum. Guðlaugur er einnig eigandi JMJ ráðgjafar samkvæmt skráningu RSK. Hann var eigandi veitingaskálans Baulu um tíma sem fór í þrot. Hann var stofnandi H- fossa sem varð frægt fyrir að ætla að rukka fyrir bílastæði við Hraunfossa. Það mál fór mjög hátt í fjölmiðlum 2017 og 2018. Guðlaugur sjálfur hefur þetta að segja um sín afrek:

„Amazing things Guðlaugur’s made. Ég hef sett 2 fyrirtæki af stað frá 0 sem ganga mjög vel í dag. Fyrst er að nefna Inkasso.is og svo mynta.is sem bæði eru mjög áberandi og flott innheimtufyrirtæki sem ganga mjög vel í dag. Í báðum þessu félögum var ég Framkvæmdastjóri. Einnig kom ég að uppbygging á símafyrirtækinu Halló sem sameinaðist við Íslandssíma og sv. frv.“

Kjartann Gunn­ars­son ætti flestum að vera kunn­ugur en hann var sem dæmi fram­kvæmd­ar­stjóri Sjálf­stæð­is­flokks­ins í 26 ár. Hann er lög­fræði­mennt­aður.

Gunnar Svavar Frið­riks­son For­ráða­maður og stjórn­ar­for­maður er fast­eigna­sali hjá Helg­ar­fell­fast­eigna­sölu og er einnig lög­fræði­mennt­aður.

Graham Rankin er eig­andi og fram­kvæmd­ar­stjóri BPO í Bret­landi.