Íbúar Grafarvogs óttaslegnir vegna skemmdarverka: Felguboltar losaðir og hjólin duttu undan

Mikill mildi þykir að ekki fór verr þegar hjól duttu undan bif­reið á ferð. Höfðu felgu­boltar bíls­ins verið los­aðir, með fyrr­greindum afleið­ingum.

Ökumaður bif­reið­ar­innar var að aka út af bíla­stæði við heim­ili sitt í Graf­ar­vog­inum þegar hjólin duttu undan.

Óprút­tnir aðilar hafa verið á ferli í Graf­ar­vogi undan farið og unnið skemmd­ar­verk á bílum. Stungið hefur verið á dekk, felgu­boltar los­aðir, eins og áður sagði og fleira.

Það er óhætt að segja að það hafi verið lán í óláni að dekkin skyldu strax detta undan bílnum, því atvikið hefði geta endað afar illa ef bif­reiðin hefði verið komin út í umferð­ina.

Að sögn íbúa hverf­is­ins leikur eng­inn grunur á því hverjir hér hafa verið á ferð, en skemmd­ar­verkin hafa verið gerð í skjóli nætur og eng­inn orðið var við grun­sam­legar manna­ferðir.

Samkvæmt íbú­anum er hverfið afar rólegt og íbúum þess er því skilj­an­lega brugðið.

Íbúinn vill ekki koma fram undir nafni vegna hræðslu við þá sem framið hafa skemmd­ar­verkin og segir fleiri miður skemmti­lega atburði hafa átt sér stað í hverf­inu upp á síðkastið en vill ekki fara nánar út í það: „Hér er mikil ólga undir og ég veit ekk­ert hvað er að ger­ast.“