Herdís stungin 11 sinnum í hrottalegri líkamsárás á heimili sínu: „Hann leit út eins og rándýr“

Herdís Anna Þor­valds­dóttir, vara­þing­maður Sjálf­stæð­is­flokks­ins, réð­ist leigj­and­inn á neðri hæð­inni inn á heim­ili hennar og stakk hana ell­efu sinnum. Hún býr enn í hús­inu og hefur upp­götvað brotala­mir víða í kerf­inu eftir árás­ina. Að mati Herdísar átti árás­armað­ur­inn aldrei að ganga laus.

Þann 15. júní í fyrra réð­ist maður sem Herdís hafði áður leigt íbúð á næðri hæð­inni inn í íbúð hennar vopn­aður hnífi. Í við­tali við Morg­un­blaðið rifjar hún upp hvernig árás­armað­ur­inn hafi litið úr eins og rán­dýr. „Ég var inni á baði og klukkan var ekki orðin níu. Ég er að setja í þvotta­vél og heyri bankað og svo gengið inn. Ég kíki út um glugg­ann á bað­inu og sé að bíll nágrann­ans er heima og hélt að hann væri að koma í kaffi. Ég labba fram á gang og sé þá mann standa í dyr­unum. Hann öskrar: „Ég veit hvað þú gerðir í gær. Ég ætla að drepa þig! Sjáöldur augna hans voru svo þanin af neyslu að hann minnti mig á rán­dýr,“ segir Herdís Anna og heldur áfram:

„Ég var smá­tíma að átta mig á því hver þetta væri. Og hvað væri að ger­ast. Hann er hár, stór og sterkur og með hníf á lofti. Hann er með hníf­inn hátt á lofti og heggur niður, í átt að höfði mér. Um leið. Af því ég var í svo góðu formi vegna jóga­æf­inga, þá gat ég sveigt mig frá högg­unum. Ég sá mig út undan mér í spegl­inum á gang­inum og mér fannst ég vera að hreyfa mig hægt. Mér leið eins og í Matrix-mynd­inni.“

Herdís Annar Þor­varlds­dóttir.

Attenborough bjargaði

Leigj­and­inn stakk Herdísi Önnu marg­sinnis í árásinni og ítrekað flaug í gegnum hug­ann á henni að nú væri lífið búið enda farin að missa mikið blóð og mikið skorin þegar hér er komið við sögu. Skyndi­lega mundi hún eftir lýs­ingu í nátt­úru­lífs­mynd David Attenborough. „Næst setur hann ískaldan hníf­inn að hálsi mér og ég hugsa, ok, þetta er búið. Ég man ég hugs­aði, „Vá hvað ég bjóst ekki við þessu! Er lífið bara búið núna?“ Þá man ég eftir nátt­úru­lífs­mynd, og ég heyrði bara nán­ast rödd­ina í Attenborough segja frá dýra­teg­und sem leikur sig líf­vana til að minnka árás­ar­hneigð rán­dýrs­ins. Ég ákvað því að prófa að rugla takt­inn og lét mig lypp­ast niður á gólf. Ég vissi ekki hvort ég myndi lifa þetta af. Þá öskrar hann: „Ég sleppi þér núna!““

Eftir að árás­armað­ur­inn fór var Herdís í stöð­ugum ótta að hann kæmi aftur inn til að klára verkið. Við illan leik komst hún inn í eld­hús þar sem hún náði að hringja á 112. „Ég sagði í sím­ann að mað­ur­inn á neðri hæð­inni hefði reynt að drepa mig og mig vant­aði sjúkra­bíl. Mér var sagt í sím­ann að ég ætti að ná í eitt­hvað til að binda um fót­inn til að stöðva blæð­ing­una en ég hafði ekki orku í það,“ rifjar Herdís upp.

Sérsveit rík­is­lög­reglu­stjóra var kölluð til og náði á end­anum að yfir­buga árás­armann­inn. Herdís lifði af en þarf að lifa með afleið­ingum árás­ar­innar.