Verðkönnun vikunnar leiðir í ljós að Nettó, sem flokkar sig með lágvöruverðsverslunum, var oftast með hæstu verðin í samanburði við verð Fjarðarkaupa sem ekki flokkar sig sem slíka verslun. Mestur var verðmunurinn á erlendri rauðri papriku en hann var tæplega 72 prósent, hærri hjá Nettó.
Í verðkönnun vikunnar skoðaði Mannlíf verð á 69 vörutegudum hjá Nettó og Fjarðarkaupum. Nettó hefur gefið sig út fyrir það að vera lágvöruverðsverslun en það hefur Fjarðarkaup ekki gert. Verð voru fengin í verslun Nettó í Mosfellsbæ og í verslun Fjarðarkaupa í Hafnarfirði.
Niðurstöður
36 vörutegundir af 69 voru á lægra verði í Fjarðarkaupum, 30 vörutegundir voru á lægra verði í Nettó og sama verð var á þremur vörutegundum. Nettó var með sjö vörur á 20 til 40 prósent hærra verði en Fjarðarkaup en Fjarðarkaup einungis með tvær vörur á 20 til 40 prósent hærra verði en Nettó.
Skipting þeirra 30 vörutegunda sem voru á hærra verði í Fjarðarkaup er svona :
1 – 10 prósent: 19 vörutegundir
10 – 20 prósent: 9 vörutegundir
20 – 30 prósent: 1 vörutegund
30 – 40 prósent: 1 vörutegund
Skipting þeirra 36 vörutegunda sem voru á hærra verði í Nettó er svona:
- 10 prósent: 21 vörutegund
10 – 20 prósent: 8 vörutegundir
20 – 30 prósent: 2 vörutegundir
30 – 40 prósent: 5 vörutegund
Mestu munaði á þessum vörum, hærra verð hjá Nettó:
Tæplega 72 prósent munaði á kílóverði erlendrar rauðrar papriku, hærra verð hjá Nettó.
Rúmlega 38 prósent munur á niðursoðinni kókosmjólk, hærra verð hjá Nettó.
34 prósent munaði á Haust hafrakexi, hærra verð hjá Nettó.
Rúmlega 33 prósent munaði á Krakkalýsi í töfluformi, hærra verð hjá Nettó.
31 prósent munur á Hamingjueggjum, hærra verð hjá Nettó.
Rúmlega 25 prósent munur á 500 gr pakka af Special K, hærra verð hjá Nettó.
Rúmlega 23 prósent munur á 1 kg af hreinu skyri frá Ísey, hærra verð hjá Nettó
Mestu munaði á þessum vörum, hærra verð hjá Fjarðarkaup:
Tæplega 32 prósent munur á Santa maria salsa dip, hærra verð hjá Fjarðarkaupum.
Rúmlega 28 prósent munur á kílóverði erlends spergilkáls, hærra hjá Fjarðarkaupum.
Á heildina litið er Nettó með hærra verðlag en Fjarðarkaup sem gæti talist undarlegt á þeim forsendum að Nettó gefur sig út fyrir það að vera lágvöruverðsverslun en er með hæsta hlutfall þeirra vörutegunda sem mestu munar á í verði.
Tafla með öllum upplýsingum er hér að neðan:
Athugasemdir