Bongóblíða á landinu yfir helgina – Suðlæg hafgola og 20 stiga múrinn rofinn

Mild haf­gola sunnan úr höfum fær­ist nú yfir eyj­una í norðri og og hlýrra loft ríkir á land­inu næstu daga. Það hroll­alda loft sem þjakað hefur sól­ar­þyrsta og legið hefur yfir Íslandi und­an­farnar vikur hörfar undan. Ekki verður tals­verðu munur á sunnan- og vest­an­verðu land­inu en hiti verður á bil­inu 8 – 13 stig.

Þá telja veð­ur­sér­fræð­ingar Veð­ur­stofu að aust­an­verðan á land­inu verði umtals­verðar breyt­ingar á hita­stigi og að 20 stiga múr­inn verði rof­inn nú um helg­ina, þó skamm­vinnra skúra megi vænta víða.

Þó verða hviður og með­al­vindur all­hvass víða um land en hvass­ast verður á morgun, föstu­dag og því vís­ast að taka út ástand vega­veð­urs á vef Vega­gerð­ar­innar ef ætl­unin er að elta sól­ina milli lands­hluta. Svona lítur þá helg­ar­spáin út:

Föstu­dagur:

Suðvest­an 8-15, en 10-18 á vest­an­verðu land­inu. Skýjað og fer að rigna vest­an­til, en bjart með köfl­um aust­an­lands. Hiti 8 til 22 stig, hlýj­ast á A-landi.

Laug­ar­dagur:

Minnk­andi vest­læg átt og létt­ir víða til, en lík­ur á þoku við SV- og V-strönd­ina. Hiti 10 til 20 stig, hlýj­ast A og SA-lands.

Sunnu­dagur:

Suðvest­læg átt, víða frem­ur hæg og þykkn­ar upp, víða dá­lít­il rign­ing um kvöldið. Hiti 10 til 20 stig, hlýj­ast á SA-landi.