Annast munaðarlausa hænu í þrjú ár: „Á veturna þá er hún alveg gjörsamlega kjur í einu tré“

Fyrir þremur árum síðan birt­ist hæna óvænt fyrir utan hús Steinars Sig­urðs­sonar, íbúa við Aðal­stræti á Akureyri. Hvaðan hænan kom er enn á huldu, en á þessum árum hefur Steinar ítrekað reynt að kom­ast að upp­runa hæn­unnar, en ekki haft erindi sem erf­iði. Því hefur hann og fjöl­skylda hans ann­ast hæn­una síðan og segir hana vera orðna hálf­gert gælu­dýr. „Hún byrj­aði bara að vappa hérna í kringum húsið, svo leiðir þetta hvert af öðru. Svo fer maður að gefa henni.“ sagði Steinar í sam­tali við RÚV.

Heim­il­is­lausa hænan. Mynd/ Skjáskot af vef RÚV.

Segir Steinar hæn­una fá sér göngu um hverfið á sumrin, en haldi kyrru fyrir í einu og sama trénu á vet­urna. „Við nátt­úr­lega bara sjáum um hana og förum á hverjum degi og gefum henni að borða. Hún er hérna í görð­unum í kring og ég frétti af henni upp í kirkju­garði einu sinni þannig að hún er að spóka sig um hérna. En á vet­urna þá er hún alveg gjör­sam­lega kjur í einu tré, fer bara niður til að borða og upp aftur.“

Steinar segir að nú gangi þetta þó ekki lengur svona, hænan verði að kom­ast í sveit og í sam­neyti við aðrar hænur. „Við erum búin að fá heim­ili fyrir hana, það heitir Grjót­garður en nú er bara vanda­málið að ná henni. Oft er talað um að hænur séu heimskar en þetta er ekki heimsk­ingi, það er alveg ljóst.“