Það munar 13,1 prósent á matvöru í heimsendingu – Þú gætir sparað 1875 krónur í hverjum innkaupum

Það er 13,1 pró­sent verð­munur er á dýr­ustu og ódýr­ustu mat­ar­körf­unni í heim­send­ingu, sam­kvæmt könnun Mannlífs.

Bornar voru saman versl­an­irnar Heimkaup, Krónan, Nettó og Hagkaup. Bónus heldur ekki úti net­verslun. Sam­an­burður á vöru­körfum með sömu vöru­liðum eða sam­bæri­legum vöru­liðum á sama verð­bili leiddi í ljós að Heimkaup er ódýr­ast en Hagkaup dýr­ast af þessum versl­unum.

Ódýrasta vöru­karfan inni­hélt vörur fyrir alls 12.473,- en dýrasta karfan 14.348,-. Eingöngu mun­aði 226 krónum á körfu Heim­kaupa og körfu Krón­unnar sem kost­aði 12.699,- en karfa Nettó kost­aði alls 13.877,-. Þannig munar 1875 krónur í hverri inn­kaupa­ferð eða 7500 krónum á mán­uði ef verslað er einu sinni í viku.

Versl­an­irnar fjórar bjóða allar upp á net­versl­anir sem eru aðgengi­legar á síðum versl­an­anna eða með appi. Krónan er ein versl­anna sem býður ein­göngu upp á app, Hagkaup og Heimkaup eru ein­göngu með vef­síður en Nettó er með vef­verslun sína á heima­síðu aha og aðgengi­leg um app sem Samkaup heldur úti.

Útfærslur heim­send­ing­ar­innar eru svo mis­mun­andi milli versl­anna. Krónan og Nettó senda ein­göngu innan höf­uð­borg­ar­svæð­is­ins og inn­heimta 1.490,- send­ing­ar­gjald eða bjóða hana ókeypis ef keypt er fyrir hærri upp­hæð en 15.000,-. Heimkaup senda frítt heim á Höf­uð­borg­ar­svæð­inu en nauð­syn­legt er að kaupa vörur fyrir 7.900,- eða meira. Fólk á lands­byggð­inni getur pantað frá Heimkaup en þá senda þau vör­urnar með Póstinum. Hagkaup sendir aðeins með Póstinum og inn­heimtir alls 1.980,- pökk­unar- og send­ing­ar­gjald.