Sigurjón snuprar Davíð: Fleiri flýja Moggann en Sjálfstæðisflokkinn

Sigurjón M. Egilsson, rit­stjóri Miðj­unnar spyr á miðli sínum hvort Davíð Oddsson hafi efni á að gagn­rýna Bjarna Bene­dikts­son, fjár­mála­ráð­herra og for­mann Sjálf­stæð­is­flokks­ins, fyrir fylgis­tap flokks­ins. Telur Sigurjón nokkuð aug­ljóst að það er Davíð sjálfur sem stendur á bak­við gagn­rýn­ina í leið­ara Moggans nýlega sem bar heitið „Horfa skal bitur um öxl.“

Miðaldra fólk og það unga flýr Morg­un­blaðið og Davið Oddsson, rit­stjóra þess sam­kvæmt nýj­ustu mæl­ingum. Segir Sigurjón í pistl­inum að það sé „nokkuð vel innan við tíu pró­sent mið­aldra fólks og yngra les Moggann, 9,4 pró­sent,“ sam­kvæmt Gallup. Sigurjón meina að Davíð hafi varla efni á að „ybba gogg“ þar sem nýjasta mæl­ing sýni að sífellt fleiri flýji Morg­un­blaðið og Davíð.

Morg­un­blaðið hefur verið rekið með him­in­háu tapi um ára­bil en rit­stjór­arnir er með hæstu laun sem bjóð­ast á fjöl­miðlum. Guðbjörg Matthís­as­dóttir athafna­kona og eig­andi Ísfé­lags­ins í Vest­manna­n­eyjum hefur haldið lífi í fjöl­miðl­inum með reglu­bundum pen­inga­send­ingum.

Lýkur Sigurjón pistl­inum með þessum orðum: „Nú er hún Snorra­búð stekkur.