KSÍ vegur að æru Þórhildar Gyðu: „Ég man vel að þetta var lögfræðingur á vegum KSÍ“

Það þrengir enn að KSÍ, Guðna Bergs­syni og stjórn sam­bands­ins, og uppi eru háværar kröfur um afsögn Guðna og upp­stokkun innan KSÍ.

Enn á ný virð­ist KSÍ hafa málað sig út í horn – sam­bandið sendi tölvu­póst í gær­kvöld á alla miðla nema Mannlíf, sem mest hefur fjallað um þögg­un­ar­til­burði KSÍ.

Í tölvu­póst­inum var aftekið með öllu að lög­mað­ur­inn sem hafði sam­band við Þórhildi hafi verið á vegum KSÍ. Þannig er vegið að æru fórn­ar­lambs­ins sem hélt öðru fram.

KSÍ virð­ist nú bæta gráu ofan á svart og grípa til ósann­söglu ofan á þöggun, ef marka má orð Þór­hildar Gyðu Arn­ars­dóttur, sem kærði lands­liðs­mann fyrir ofbeldi, og kom í við­tal á RÚV.

Hún seg­ist á Twitter muna vel eft­ir því að lög­fræð­ing­ur á veg­um KSÍ hafi boðið henni þagn­ar­skyldu­samn­ing:

„Ég man vel að þetta var lög­fræð­ingur á vegum KSÍ þar sem mér var orð­rétt boðið á fund með „stjórn­ar­með­limum KSÍ og til­teknum lands­liðs­manni“ þar sem bera átti undir mig þagn­ar­skyldu­samn­ingin. Ég gæti mögu­lega fundið heim­ildir fyrir því, stay tuned.“