Hjúkrunar­fræðingur á sextugsaldri á geðdeild Land­spítala í gæsluvarðhaldi grunaður um mann­dráp

Lögregla greinir frá því að hjúkr­un­ar­fræð­ingur á geð­deild Land­spít­al­ans hafi verið úrskurð­aður í gæslu­varð­hald vegna gruns um mann­dráp.

Eftir því sem Mannlíf kemst næst mun hjúkr­un­ar­fræð­ing­ur­inn hafa reynt með harka­legum hætti og hörmu­legum afleið­ingum að þvinga fæðu ofan í sjúk­ling.

Talið er að vegna þess­arar þving­unar hafi sjúk­ling­ur­inn, kona á sex­tugs­aldri, lát­ist. Þetta gerð­ist um miðjan þennan mánuð.

Lög­reglan greinir frá í til­kynn­ingu að hjúkr­un­ar­fræð­ingur – kona á sex­tugs­aldri – hafi verið úrskurðuð í gæslu­varð­hald á grund­velli rann­sókn­ar­hags­muna. Gæslu­varða­haldið er að minnsta kosti viku­langt.

Í til­kynn­ing­unni kemur fram að talið er að and­lát kon­unnar sem lést hafi borið að með sak­næmum hætti.

Lögregla mun ekki tjá sig meira um málið að svo stöddu, en í yfir­lýs­ingu frá Land­spít­al­anum kemur fram að spít­al­inn hafi til­kynnti lög­reglu og land­lækni um óvænt and­lát sjúk­lings á spít­al­anum. Og að málið sé til rann­sóknar og eðli­lega muni hvorki starfs­menn né stjórn­endur tjá sig um það, né stað­festa upp­lýs­ingar, á meðan það er til ranns­sóknar hjá þar til bærum yfir­völdum.