Sigurður G. réttlætir leka á lögregluskýrslu: ,,Nú er það Stígamótahópur sem velur landsliðið“

„Fékk þau bara afhent,“ sagði Sigurður G. Guð­jóns­son lög­maður í morgun aðspurður um það hvernig hann komst yfir lög­reglu­skýrslur um ofbeld­is­mál Kolbeins Sig­þórs­sonar, sem hann deildi á fés­bók­ar­síðu sinni á dög­unum.

Í lög­reglu­skýrsl­unum segir Þór­hildur Gyða Arn­ars­dóttir meðal ann­ars frá ofbeldi sem hún lenti í árið 2017 af hálfu Kolbeins. Skýrslan inni­heldur því per­sónu­legar upp­lýs­ingar sem og upp­lýs­ingar um pen­inga­greiðslu sem Kolbeinn greiddi þolendum.

Í við­tali við Bylgjuna í morg­un­þætt­inum Bítið ræddi Sigurður G. meðal ann­ars um fés­bókar færsl­una sem hefur vakið hörð við­brögð.

„En hvernig komstu yfir þessar skýrslur?“ spyr annar þátta­stjórn­anda.
Sigurður kvaðst hann ekki þurfa að svara því, „ég bara þarf ekki að upp­lýsa hvernig ég fæ gögn í hendur“.
Þátta­stjórn­andi spyr þá hvort ein­hverjar óeðli­legar leiðir hafi verið farnar til þess að nálg­ast þau.
„Voru það ein­hverjar óeðli­legar leiðir eða“

Sigurður – „nei, nei, nei ,fékk þau bara afhent‘‘
þátta­stjórn­andi- „af lög­regl­unnni ?“
Sigurður -„Nei, ég fékk þau bara afhent, mér voru bara afhent gögnin,“ sagði Sigurður og bætti við að þessi gögn væru til, væru kanski ekki opin almenn­ingi en eng­inn sér­stakur trún­aður hvíldi yfir þeim.

Auk þess kvaðst Sigurður hafa skrifað færsl­una til þess að varpa ljósi á sann­leik­ann og til varnar KSÍ.
„Mér finnst atlagan að knatt­spyrnu­hreyf­ing­unni hreint ömur­leg, og þetta er eig­in­lega skrifað til varnar knatt­spyrnu­hreyf­ing­unni,“
Sigurður, sem hefur margra ára reynslu af störfum tengdum knatt­spyrnu­hreyf­ing­unni sagði að allt starf innan KSÍ hafi miðað af því að útrýma óæski­legri hegðun.

„Allt starf KSÍ, það miðar að því að ala upp góða ein­stak­linga, það miðar ekki að því að búa til ein­hverja nauðg­un­ar­menn­ingu eins og haldið er fram,“

Aðspurður um mál sem komu óform­lega inn á borð til KSÍ og hvort KSÍ hefði getað gert eitt­hvað svarar hann ekk­ert í reglum fjalla um það.
„Ekkert í reglum KSÍ kveður á um það hvernig leik­menn, eða starfs­menn eiga að haga sér í sínum frí­tíma,“
„Nú er það Stíga­móta­hópur sem velur lands­liðið,“
Undir lokin sagði Sigurður G. að honum þætti Guðni Bergsson fyrr­ver­andi for­maður KSÍ hafa staðið sig vel í stöð­unni. En lét hann af störfum stuttu eftir við­tal Þór­hildar Gyðu við RÚV.