Jóhannes ósáttur með hækkun Costco á graskerjum: „Svona er Costco í dag.“

„Maður var að von­ast til þess að Costco tæki ekki upp þann íslenska ósið að hækka  vör­urnar til þess eins að geta sett þær síðar á „til­boð“ eða „útsölu“. Ég keypti svona grasker á 5.499 kr fyrir tveimur árum,“ segir Jóhannes Gunn­ars­son við mynd af graskerjum í versl­un­inni banda­rísku.

„11.sept­em­ber kost­aði þetta 7.499. 8.októ­ber á til­boði á 9.999.  Svona er Costco í dag.“

Færslu Jóhann­esar er deilt í hópnum „Vertu á verði – eft­ir­lit með verð­lagi“.

Nú er sá tími árs sem mat­vöru­versl­anir fyll­ast af graskerjum og á það sann­ar­lega ekki aðeins við um Costco.

Íslend­ingar flykkj­ast í versl­an­irnar og festa kaup á risa­vöxnum ávöxt­unum, oft fleiri en einum, til þess eins að skafa innan úr þeim ald­in­kjötið og skera á þá ýmis mis­vel gerð göt.

Þetta kann að hljóma und­an­lega sé það slitið úr sam­hengi, en þetta hefur verið lenskan síðan Hrekkja­vöku­há­tíðin festi sig í sessi hér á landi. Hrekkja­vaka er haldin hátíð­leg síð­asta dag þessa mán­aðar, þann 31. októ­ber.

Þessi siður, að skera augu og ófrýni­lega munna í grasker, fylgir þess­ari hátíð; hátíð hinna dauðu. Fólk kemur þá gjarnan fyrir ljósum eða kertum inni í tómum graskerj­unum svo þau lýsi út um ógn­væn­leg augun í myrkr­inu. Svo er þeim komið fyrir úti á tröppum, í inn­keyrslum eða í görðum.

Í Facebook-hópnum sér Hjördís nokkur ákveð­inn tví­skinn­ung í kaupum Íslend­inga á graskerjum fyrir Hrekkja­vök­una.

„Erfitt að skilja að fólk sem hugsar amk eitt­hvað pínu smá um umhverf­is­mál og mætir stolt með fjöl­nota pok­ana sína útí búð, geti um leið tekið þátt í inn­fluttn­ingi á tugum tonna af graskerum til að skreyta þau og njóta nokkra daga og svo rak­leitt í ruslið, án þess að mik­ill matur í þeim gagn­ist nokkrum öðrum en músum og rottum á rusla­haugum lands­ins,“ segir hún.

„Þau eru trú­lega notuð í moltu­gerð eins og flestur mat­ar­úr­gangur,“ segir þá Ásdís nokkur.

Hjördís kvikar þó ekki frá sinni skoðun:

„Alveg óþarfi að flytja tugir tonna spes til þess, nóg það sem fellur til í mat­ar­af­ganga.“

Ásdís sendir Hjördísi þá hreyfi­mynd (e. GIF) sem gefur í skyn að Hjördís þurfi bara að „lifa dálítið“ (e. live a little).

Eysteinn er súr yfir hátíð­inni eins og hún leggur sig:

„Per­sónu­lega skil ég ekki þennan inn­flutn­ing á amer­ískum siðum.“

„Það var þokka­lega ódýrt að versla í Costco fyrstu vik­una frá opnun en síðan bara dýrt,“ segir Hildur.

Jakobína er hreint ekki hrifin af Costco:

„Það er hvort eð er ekk­ert í þessarri búð sem ekki er hægt að fá í inn­lendu versl­un­unum sumir finna þarna eitt­hvað sem þeir vissu ekki að þeim vant­aði. Ömurlegt lag­er­svæði og allt of stórar klunna­kerrur fyrir minn smekk hef þó verslað þarna fljót­andi þvotta­vél­ar­sápu.“