Logi berst fyrir hönd katta á Akureyri -„Mér er ekki sama þegar fólki dettur svona vitleysa í hug“

Á dög­unum sam­þykkti meiri­hluti bæj­ar­stjórnar á Akureyri að banna lausa­göngu katta frá 1. jan­úar 2025.

Hefur þessi ákvörðun vakið mikla athygli og lík­leg­ast ekki farið fram hjá mörgum. Sitt sýn­ist hverjum um þessa sam­þykkt bæj­ar­yf­ir­valda og hafa ófáir tjáð sig um málið.

Fjöl­miðla­mað­ur­inn, Logi Bergmann, skrif­aði pistil er birt­ist í Morg­un­blað­inu í dag þar sem hann lýsir yfir óánægju með þessa ákvörðun.

 „Mér er ekki sama þegar fólki dettur svona vit­leysa í hug. Í fyrsta lagi er ég katta­vinur og tel mig skilja þessi dýr og í öðru lagi er ég tengda­sonur Akur­eyrar og hef tekið það hlut­verk alvar­lega. Það er reyndar óvíst að ég end­ist lengi sem slíkur ef þetta ágæta fólk ætlar að taka upp á því að elta Hús­vík­inga í þess­ari vit­leysu,“ skrifar Logi í pistli sínum.

Segist hann ekki vera neinn David Attenborough, en seg­ist þó vita að kettir séu „stór­kost­lega merki­leg dýr,“ eins og hann kemst sjálfur að orði.

„Þeir eru sjálf­stæðir, ein­stakir og skemmti­legir. Það hefur verið sýnt fram á með fjölda rann­sókna að gælu­dýr styrkja ónæm­is­kerfi. Ekki síst kettir sem fá að fara út,“ skrifar Logi og heldur áfram. „Þeir eru frjálsir til að tala við eig­endur sína þegar þeir vilja, þeir eru frjálsir til að leggja sig þar sem þeim hentar og þeir eiga að vera frjálsir til að fara út þegar þeir vilja. Þetta ættu allir að skilja en svo óheppi­lega vill til að sjö af ell­efu bæj­ar­full­trúum Akur­eyrar virð­ast ekki hafa gert sér grein fyrir því.“

Logi við­ur­kennir að kettir séu vissu­lega rán­dýr og að þeir eigi það til að veiða fugla. „Það er leið­in­legt og stundum pínu sorg­legt en svona er nátt­úran. Þetta er ekki ger­enda­með­virkni. Þetta er eðli þeirra en það er hægt að gera þeim erf­ið­ara fyrir með bjöllum og lit­ríkum kraga.“

Þá tengir Logi hið umdeilda mál, stað­setn­ingu flug­vall­ar­ins, við katta­málið mikla og segir stað­setn­ingu flug­vall­ar­ins í Reykja­vík valda dauða fugla, þar sem hann standi við mikið varp­land, það er Vatns­mýr­ina. „Það hefur nefni­lega lengi verið eitt helsta bar­áttu­mál Akur­eyr­inga að flug­völl­ur­inn í Reykja­vík þurfi að vera límdur við mið­bæ­inn.“

Endar Logi pistil sinn á því að bjóða Akur­eyr­ingum að gera sam­komu­lag. „Við Reyk­vík­ingar skulum hafa þennan flug­völl sem þið viljið endi­lega hafa í mið­bænum okkar, gegn því að þið leyfið köttum að hafa sína henti­semi.“