Öfgar taka við peningagjöfum á erlendri vefsíðu: „Óhóflega mikill tími og launalaus vinna“

Meðlimir Öfga hafa að und­an­förnu drýgt tekjur sínar með því að taka við pen­ingum í gegnum vef­síðu þar sem fólk getur keypt kaffi­bolla sem þó er ekki alvöru kaffi­bolli, heldur ein­ungis and­virði hans. Hafa þær fengið rúm­lega 300.000 kr. upp úr krafs­inu.

Nýjasta leiðin fyrir ein­stak­linga og góð­gerða­sam­tök að safna pen­ing á vefnum er síða sem heitir BuyMeACoffee.com. Þar er hægt að kaupa svo­kall­aðan vef­kaffi­bolla handa fólk­inu sem um það biður og þannig gefa þeim and­virði kaffi­bolla að gjöf en boll­inn kostar 5 doll­ara. Sé síðan skoðuð má sjá rit­höf­unda, hlað­varps­stjórn­endur, lista­menn og fleiri safna pen­ingum en þar má einnig sjá góð­gerða­sam­tök.

Samkvæmt frétt Dv.is er þar einnig að finna með­limi bar­áttu­hóps­ins Öfga og virð­ist sem þeim gangi ágæt­lega að safna pen­ing í vas­ann. Hafa þær fengið alls 457 „bolla“ frá styrkj­endum sem gera um það bil 300 þús­und krónur.

Bar­áttu­konan Kolbrún Birna Hall­gríms­dóttir Bachmann skráði sig á síð­una fyrir hálfum mán­uði síðan og til­kynnti hún skrán­ing­una á Twitter. „Óhóflega mik­ill tími og launa­laus vinna sem fer í umræð­una, fræðslu, við­töl og skila­boð. Þið sem viljið kaupa cappuchino eða ískaffi með hafra­mjólk fyrir mig megið ýmist gera það í raun­heim­inum eða hér, fyr­ir­fram þakkir.“

Hefur Kolbrún fengið tals­vert af styrkjum á síð­unni en hún hefur fengið rétt undir 200 bolla eða um 130 þús­und krónur.

Gera má ráð fyrir því að vef­síðan taki ein­hverja pró­sentu af pen­inga­upp­hæð­inni en restin af kaff­inu rennur þó ljúft ofan í bar­áttu­kon­urnar.

Dv segir frá því að Öfga­konur séu einnig með sér aðgang og hafa þær mis­mikið upp úr krafs­inu. Þór­hildur Gyða Arn­ars­dóttir sem mikið hefur verið í fréttum und­an­farið eftir að hún sagði frá ofbeldi sem hún sagð­ist hafa lent í af hendi Kolbeins Sig­þórs­sonar. Hún hefur ekki fengið eins marga bolla og Kolbrún en þó 30 stykki eða tæpar 20 þús­und krónur.

Þá er Tanja Ísjförð sem einnig er með­limur í Öfgum, einnig með sinn eigin aðgang á vef­síð­unni. Hefur hún fengið meira að drekka en Þór­hildur eða 58 bolla af rjúk­andi heitu kaffi frá 18 mis­mun­andi styrkj­endum. Það er um það bil 40 þús­und krónur.