Gosinu lokið en ennþá kvikusöfnun: „Það eina sem vitað er með vissu er að náttúran fer sínu fram“

Fag­stjóri eld­fjalla­vár hjá Veð­ur­stof­unni segir eld­gos­inu í Fagra­dals­fjalli lokið en áfram sé fylgst grannt með svæð­inu.

Þessu er greint frá á vef RÚV. Í dag eru liðnir þrír mán­uðir síðan hraun sást síð­ast renna úr eld­stöð­inni. Mælingar sýna þó að enn sé kviku­söfnun í gangi í jarð­skorp­unni við Fagra­dals­fjall.

Eldgosið stóð yfir með hléum í sex mán­uði. Það vakti mikla athygli, enda óvenju­legt að gjósi að þessum slóðum og gosið sömu­leiðis mjög nálægt byggðum. Mikill fjöldi lagði leið sína að eld­gos­inu frá því það hófst. Hraun­flæðið ógn­aði um tíma mann­virkjum og var talið að hraun gæti til að mynda flætt yfir ljós­leið­ara og Suð­ur­standa­veg. Það varð ekki.

Sara Bersotti, fag­stjóri eld­fjalla­vár á Veð­ur­stofu Íslands segir eld­gos­inu í Fagra­dals­fjalli nú lokið, en að áfram sé kviku­söfnun í gangi í jarð­skorp­unni á svæð­inu. Því sé erfitt að spá fyrir um hvert fram­haldið verði.

„Við munum því áfram fylgj­ast vel með virkn­inni á Reykja­nesskaga, en við getum sagt að þessum til­tekna atburði sem hófst með eld­gosi 19. mars við Fagra­dals­fjall er lokið, hver sem þró­unin á svæð­inu verður. Það eina sem vitað er með vissu er að nátt­úran fer sínu fram“, segir Sara í sam­tali við RÚV.

Sara segir sög­una segja okkur að eld­virkni á Reykja­nesskaga komi í lotum.

Vakin er athygli á að ekki sé óhætt að fara inn á hraun­breið­una við Geld­inga­dali og að gígum. Hraun getur verið lengi að kólna og auk þess eru yfir­borð og gígar óstöðugir. Hrun geti orðið fyr­ir­vara­laust og sprungur mynd­ast.