Runólfur segir innlagnir ekki vegna Ómíkron: „Svo eru einhverjar þúsundir, sem eru óbólusettir.“

„Það eru ekki nema um þrír held ég þegar ég vissi síð­ast, sem reynst hafa (verið með) ómíkron-afbrigðið af þeim sem liggja inni,“ sagði Runólfur Pálsson, fram­kvæmda­stjóri með­ferða­sviðs Land­spít­al­ans í við­tali við Vísi.

Þá segir hann búast við því að alvar­leiki veik­inda vegna nýja afbrigð­is­ins, ómíkrons, verði minni en af fyrri afbrigðum kór­ónu­veirunnar. Hægt sé að líta til ann­arra landa til þess að sjá þá þróun.
Af þeim 21 sem liggja á Land­spít­ala vegna kór­ónu­veirunnar eru þrír í önd­un­ar­vél. Lík­leg­ast teldi hann að þeir ein­stak­lingar væru smit­aðir af delta afbrigð­inu.

Ástand á spít­al­anum sé þó svo að heil­brigð­is­starfs­menn eiga fullt í fangi með að þjón­usta fólk sem þarf ef til vill skurð­að­gerð vegna lífs­hót­andi sjúk­dóma. Þá sé for­gangs­röðun gríð­ar­lega mik­il­væg.
Þrátt fyrir að fólk virð­ist veikj­ast minna af ómíkron afbrigði segir Runólfur að vernda þurfi við­kvæm­ari hópa, þó svo að þeir séu bólu­settir.

„Svo eru nátt­úru­lega ein­hverjar þús­undir, kannski tutt­ugu, þrjá­tíu þús­und ein­stak­lingar sem eru óbólu­settir.“