Rakel nokkur fékk aldeilir að finna fyrir því í hópnum Matartips! á Facebook eftir að hún vogaði sér þar að kvarta undan gallsúrum bláberjum sem hún hafði þá nýlega keypt sér útí búð. Yfir hana rigndi svo miklum skömmum að hún íhugar að yfirgefa samfélagið og færa sig yfir í lokaðan kvennahóp til að ræða matarmálin.
Rakel segir frá upplifun sinni í þessu fjölmenna samfélagi matgæðinga á Facebook. Upphaflega færsla hennar var svohljóðandi:
„Hvað mynduð þið gera? – Ég keypti rándýr fersk bláber sem reyndust gallsúr. Á ég að kvarta við búðina og fá endurgreiðslu eða henda þeim í ruslið og kyngja því að stundum eru ber bara súr?“
Eftir þessa færslu tóku meðlimir Matartips! sig til einn af öðrum við að hrauna yfir Rakel og gerðu meðal annars grín að þekkingaleysi hennar gagnvart ræktun ávaxta víða um veröld. Að sjálfsögðu gerðu það ekki allir en svo margir að Rakel er nóg boðið. Hún segir matvöruverslunina hafa viðurkennt framleiðslukalla og viðurkennt ábyrgð sína á hinum súru berjum:
„Áhugavert vægast sagt að sjá að mörgum ykkar finnst það vera mér sjálfri að kenna að kaupa súr bláber því að sjálfsögðu ætti ég að vera með á hreinu hvenær ávextir vaxa og þroskast á mismunandi stöðum í heiminum. Gaman að sjá að þetta er augljóslega algjör frekja og yfirgangur í mér að dirfast að vera ósátt við það að hafa keypt rándýr gallsúr bláber.
Einfaldasta lausnin í mínum huga eftir þennan lestur er augljóslega að hætta að kaupa bláber (nema í coscto því þar er hægt að skila ónýtri vöru) og ekki spurja spurninga hér inni aftur
Verð að viðurkenna að viðbrögðin hjá mörgum hér við þessari saklausu og einföldu spurningu minni koma mér mikið á óvart og ég skil enn betur alla þessa nýju lokuðu kvenna facebook hópa sem hafa verið búnir til þar sem hæðni, útúrsnúningar eða skítkast er bannað.“
Athugasemdir