Eins og fram kom í Mannlífi í dag hefur kona sakað fjallgöngumanninn Tomasz Þór Veruson um ofbeldi gagnvart sér og í kjölfarið hafa nokkrar konur stigið fram og sagt það sama eða svipaða hluti.
Konan ritaði meðal annars:
„Ég lagði bílnum og rölti inn án þess að taka eftir honum. Hann kom á eftir mér og ruddist inn til mín þegar ég opnaði útidyrahurðina. Hann gekk það harkalega í skrokk á mér að önnur hlið líkama míns varð blá og marin. Þarna var ég um 48 kg og ég tók á öllu mínu til að verjast honum, 2ja metra háum manni í miklu uppnámi. Íbúðin var einnig illa leikin og braut hann m.a. sófa, myndir og tók símann minn.“
Ein af þeim sem var kærasta Tomaszar Þórs er afrekskonan Vilborg Arna Gissurardóttir, en hún tjáði sig í athugasemdum við færslu konunnar í hópnum Fjallastelpur – umræðuhópur um útivist á Íslandi fyrir konur.
„Þetta er líka fyrrverandi kærastinn minn og ég tek undir þín orð. Viðkomandi var einnig samstarfsaðili minn um tíma og það hefur verið erfitt að burðast með þetta farg á herðunum, allra þyngsti bakpokinn á mínum ferli og hæsta fjallið að klífa. Svona lífsreynsla markar mann fyrir lífstíð og skilur eftir ör á sálinni. Með aðstoð góðs fólks og tímanum grynnka örin þó þau hverfi kannski aldrei alveg.“
Vilborg sagði í samtali við Mannlíf að hún hyggðist ekki tjá sig meira um málið að svo stöddu.
Athugasemdir