RÚV keypti „heimildarmynd“ um jarðgöng af N4:„Þáttur um jarðgöng eftir upplýsingafulltrúa Samherja“

Á dag­skrá RÚV í gær­kvöld var myndin/Þátt­ur­inn Jarðgöng og var hann kynntur sem:

„Íslensk heim­ild­ar­mynd um sam­fé­lags­leg áhrif jarð­ganga á Norð­ur­landi.“

Sýning hefur valdið miklu fjaðrafoki, en um er að ræða þátt sem var fram­leiddur af N4 árið 2019, sem RÚV keypti og sýndi í gær­kvöld.

Karl Eskil Pálsson hafði umsjón með þætt­inum, en Karl starfar sem upp­lýs­inga­full­trúi Samherja, en hann starf­aði árið 2019 fyrir N4.

Vega­gerðin kost­aði þátt­inn/mynd­ina og Sókn­ar­á­ætlun Norð­ur­lands eystra, sem er verk­efni sem var ætlað að efla byggða­þróun.

Aðal­steinn Kjart­ans­son, blaða­maður Stund­ar­innar og vara­for­maður Blaða­manna­fé­lags­ins, var ekki sáttur:

„Þetta er nátt­úru­lega ekki blaða­mennska þó það kunni að hafa ásýnd blaða­mennsku og fram­setn­ingin sé með þeim hætti. Þarna eru Vega­gerðin og Sókn­ar­á­ætlun Norð­ur­lands eystra að kosta gerð þessa þáttar og í mínum huga þýðir það að þetta er kynn­ing­ar­mynd en ekki heim­ild­ar­mynd.“

Annar blaða­maður, Þórður Snær Júl­í­us­son rit­stjóri Kjarnans, gagn­rýndi einnig sýn­ing­una á Facebook síðu sinni:

„Mær­ing­ar­þáttur um jarð­göng á Norð­ur­landi eftir upp­lýs­inga­full­trúa Samherja, sem hafði áður verið sýndur á annarri sjón­varps­stöð, á prime time á RÚV í gær.

Lítill fókus á að Vaðla­heið­ar­göng ehf. skulda rík­inu tæpa 19 millj­arða sem félagið getur ekki borgað.“

Skarp­héð­inn Guð­munds­son, dag­skrár­stjóri RÚV, sagði mynd­ina hafa staðið allar kröfur:

„Við keyptum hana og við göngum frá kaupum og sýn­ing­ar­rétti á mynd­inni sem heim­ild­ar­mynd.“