Framkvæmdastjóri Herjólfs neitar að svara spurningum um brot skipstjóra: „Ég er bundinn trúnaði“

Hörður Orri Grett­is­son, fram­kvæmd­ar­stjóri Herjólfs ohf. hefur ítrekað neitað að svara spurn­ingum Mannlífs er varða meint brot Ívars Torfa­sonar skip­stjóra. Heim­ildir Mannlífs herma að hann hafi fengið til­tal vegna meintra blygð­un­ar­sem­is­brota gagn­vart konum í áhöfn Herjólfs.

Skip­stjór­inn var nýlega áminntur og lækk­aður um tign fyrir að sigla skip­inu án rétt­inda fyrir jól og fyrir að skrá nöfn áhafn­ar­með­lima fyrir sigl­ing­unum án þeirra sam­þykki, úr því að vera yfir­skip­stjóri og niður í venju­legan skip­stjóra. Ekki liggur fyrir hver mun­ur­inn er á tiltl­unum. Lög­reglan rann­sakar nú málið.

Sagt hefur verið frá því í fréttum und­an­farið að ólga sé innan áhafnar Herjólfs vegna brota skip­stjór­ans og hafa þó nokkrir starfs­menn sagt upp störfum, síð­ast í gær þegar tveir hættu. Heim­ildir Mannlífs herma að nú hafi verið ákveðið að halda ein­hvers­konar nám­skeið fyrir starfs­fólkið og ráða vinnu­staða­sál­fræð­ing, í von um að laga and­rúms­loftið um borð.

Eftir ítrek­aðar til­raunir náð­ist loks­ins í Hörð Orra í síma en þar sagð­ist hann ekki svara neinu varð­andi skip­stjór­ann. „Það er ekk­ert meira fyrir mig um málið að segja, ég er bara bund­inn trún­aði við mína starfs­menn og það sem ger­ist hérna í þessu fyr­ir­tæki alveg sama hvað það er,“ sagði Hörður og bætti við að hann hafi fylgst með umræð­unni síð­ustu daga.

Mannlíf sendi Herði einnig tölvu­póst með nokkrum spurn­ingum er vörð­uðu meint blygð­un­ar­sem­is­brot Ívars gagn­vart kven­kyns áhafn­ar­með­limum skips­ins. Svaraði Hörður á sama máta og í sím­tal­inu. Þó hafði hann svarað því áður að hann hafi fengið leyfi frá skip­stjór­anum til að svara að hann hefði aldrei áður fengið áminn­ingu í starfi hjá Herjólfi. Hér eru spurn­ing­arnar sem Hörður Orri vill ekki svara:

Hefur skip­stjór­inn fengið ef ekki form­lega áminn­ingu, þá til­tal vegna ósæmi­legrar hegð­unar gagn­vart kven­kyns áhafn­ar­með­limum?

Hafa kvart­anir borist ykkur vegna ósæmi­legrar hegð­unar skip­stjór­ans gagn­vart kven­kyns áhafn­ar­með­limum? Ef svo er, hvað var gert í mál­inu?

Hver er nú yfirskipstjóri hjá Herjólfi?

Hvernig er starf­skylda yfir­skip­stjóra Herjólfs frá­brugðin venju­legum skip­stjórum skips­ins?