Herði Magnúsi fannst gott að komast heim í endurhæfingu: „Það er létt­ara að vera nær sínu fólki“

Varn­ar­mað­ur­inn knái, Hörður Björgvin Magn­ús­son á afmæli í dag. Er hann 29 ára í dag. Hörður Björgvin er bæði leik­maður íslenska lands­liðs­ins í knatt­spyrnu og rúss­neska félags­liðs­ins CSKA Moskva.

Hörður hóf knatt­spyrnu­fer­il­inn með Fram en árið 2011 fór hann til ung­menna­liðs Juventus á Ítalíu. Frá 2014 – 2016 var hann í láni hjá Seria B deild­ar­liðs­ins Spezia Calcio og Serie A liðs­ins A.C. Cesena. Árið 2016 fór Hörður í ensku Meist­ara­deild­ina þar sem hann lék með Bristol City og skrif­aði þar undir þriggja ára samn­ing. Þvínæst lá leið hans til Rúss­lands þar sem hann leikur með CSKA Moskvu.

Hörður Björgvin hefur verið fasta­maður í íslenska lands­lið­inu frá árinu 2014 en árið 2017 skor­aði hann, eins og frægt er orðið, sig­ur­mark Íslands gegn Króatíu í und­ankeppni HM, á lokamín­útum leiks­ins.

Okkar maður sleit hásin í fyrra og hefur verið í stífri end­ur­hæf­ingu eftir að hann fór í aðgerð í Finn­landi hjá einum helsta sér­fræð­ingi í hásinu­að­gerðum. Hörður er byrj­aður að spila aftur með félags­liði sínu og því fram­tíðin nokkuð björt. Morg­un­blaðið tók við hann við­tal um meiðslin og batann fyrir tveimur mán­uðum. Þar sagð­ist hann meðal ann­ars hafa komið heim til Íslands í fjóra mán­uði í end­ur­hæf­ingu. Það hafi verið gott að kom­ast heim.

„Það var þægi­legt að vera í sínu um­hverfi hér heima. Það er létt­ara að vera nær sínu fólki og auð­velt að kom­ast í hluti sem maður þarf á að halda. Maður á ekki marga að úti í Moskvu. Þegar ég kom aft­ur út var mér sagt að það yrði erf­ið­asti tím­inn vegna þess að þá skap­ast hætta á öðrum meiðslum. Það gerð­ist ekki og ég er því mjög sátt­ur.“

Mannlíf sendir Herði Björg­vini kærar afmælis­kveðjur!