Forstjóri deCode leitar arftaka: „Næstum undantekningalaust ganga menn út frá því að Kari sé kona“

Kári Stef­áns­son, for­stjóri Íslenskrar erfða­grein­ingar, er ekk­ert far­inn að hægja á þrátt fyrir að vera 73ja ára. En hann und­ir­býr samt brott­hvarf sitt. Þetta kemur fram í Mann­líf­inu með Reyni Trausta­syni. 

„Ég geri mér hins vegar grein fyrir því að ég er kom­inn á þann aldur að það má reikna með því að það þurfi ein­hver að taka við innan ein­hvers tíma. Ég er að setja saman skipu­lag um það hverjir taki við,“ segir Kári í Helg­ar­við­tali Mannlífs. Hann ætlar aðspurður ekki að verða eins og Elísabet Breta­drottn­ing sem situr enn á valda­stóli 95 ára. En hann hefur samt í gegnum tíð­ina oft verið tal­inn kona.

„En það hefur hins vegar í gegnum tíð­ina verið gerð til­raun til að færa mig svo­lítið nær henni; til dæmis á hverju ein­asta ári síð­ast­liðin 20 ár hefur mér verið boðið að verða aðal­fyr­ir­les­ari á árlegum fundi kvenna í háskólum í Banda­ríkj­unum. Og í fyrra var ég val­inn the Female Entrepreneur of the Year hjá evr­ópsku tíma­riti. Það á rætur sínar í því að Kari er kven­manns­nafn í Skand­in­avíu og næstum því und­an­tekn­ing­ar­laust ganga menn út frá því að Kári sé kona. Ég hef meira að segja ferð­ast víða um heim að flytja fyr­ir­lestra og verið boðið að flytja fyr­ir­lestra á hinum og þessum stöðum og það hefur maður verið sendur til þess að ná í mig út á flug­völl; venju­lega endar það á því að ég verð að taka leigu­bíl vegna þess að það hvarflar ekki að þeim að þessi aldni, hvít­hærði, skeggj­aði maður sé Kari.“

Langar Kára ekk­ert til að fara að setj­ast í helgan stein?

„Ekki eins og stendur. En það getur breyst. Eins og stendur hef ég gíf­ur­lega gaman af þessu. Mér finnst þetta alveg feiki­lega spenn­andi.“

Helg­ar­við­talið við Kára í heild sinni er að finna hér.