Sólveig Anna ævareið vegna færslu Jóhanns Páls þingmanns: Hefur sýnt „helsjúka valdníðslu“.

Sólveig Anna Jóns­dóttir, fyrr­ver­andi og verð­andi for­maður Eflingar, er allt annað en ánægð með Facebook-færslu Jóhanns Páls Jóhanns­sonar, alþing­is­manns Sam­fylk­ingar, um nýkjörið verka­lýðs­mála­ráð Sam­fylk­ingar. Sér­stak­lega fara síð­ustu orð hans um átökin innan hreyf­ing­ar­innar fyrir brjóst Sól­veigar Önnu og félaga

„Þú flokkar sem­sagt við­bjóðs­legan róg­burð og grófa aðför að mann­orði fólks í póli­tískum til­gangi sem ekk­ert annað en „átök“?“ segir Sólveig í athuga­semd við færsl­una.

„Finnst þér í alvöru ekk­ert rangt við það að ráð­ist sé að heið­virðu fólki sem hefur ekki gerst sekt um annan „glæp“ en að vinna umbeðna vinnu á meðan það jafn­framt hefur „óæski­legar“ póli­tískar skoð­anir, líkt og Andri Sig­urðs­son hefur nú þurft að þola af hálfu þeirrar konu sem þú hrífst svo af?“

Andri var mikið til umfjöll­unar í byrjun mán­að­ar­ins í tengslum við umfjöllun vef­síðu Eflingar. Greint var frá því að Andri hafi fengið rúm­lega 20 millj­ónir greiddar fyrir að hanna vef­síð­una en fjöl­margir gagn­rýndu það, bæði vegna upp­hæð­ar­innar en einnig þar sem Andri er félagi í Sós­í­alista­flokknum og hefur mikið barist gegn spill­ingu.

Sólveig veltir því þá fyrir sér hvers vegna Jóhann er ánægður með að fá Agnieszku til liðs við sig. „Af hverju ertu „gríð­ar­lega ánægður“ með að fá mann­eskju til starfa í flokknum þínum sem hefur í besta falli sýnt algjör­lega yfir­gengi­legt dóm­greind­ar­leysi og í versta falli algjör­lega hel­sjúka vald­níðslu á sínum skamma tíma í emb­ætti?“ segir hún.

Færsla Jóhanns

„Auðvitað tekur Sam­fylk­ingin reynslu­miklu fólki úr verka­lýðs­hreyf­ing­unni fagn­andi. Við drögum fólk ekki í dilka eða úti­lokum vegna átaka innan hreyf­ing­ar­innar – kemur ekki til greina. Hlakka til sam­starfs­ins við nýja stjórn verka­lýðs­mála­ráðs,“segir Jóhann Páll Jóhanns­son, þing­maður Sam­fylk­ing­ar­innar. Jóhann birti færslu á Facebook-síðu sinni í gær þar sem hann seg­ist vera gríð­ar­lega ánægður með nýkjörna stjórn verka­lýðs­mála­ráðs Sam­fylk­ing­ar­innar.

Þessir tveir for­setar sem um ræðir eru þau Kristján Þórður Snæ­bjarn­ar­son, 1. vara­for­seti ASÍ og for­maður Raf­iðn­að­ar­sam­bands Íslands og Halldóra Sigríður Sveins­dóttir, for­maður Bárunnar og 3. vara­for­seti ASÍ.

Þá voru einnig kjörin Agnieszka Ewa Ziółkowska, starf­andi for­maður Eflingar, Finnbogi Svein­björns­son, for­maður Verka­lýðs­fé­lags Vest­firð­inga og Gylfi Þór Gíslason, fyrr­ver­andi stjórn­ar­maður í Lands­sam­bandi lög­reglu­manna.

„Það markar ákveðin tíma­mót að tveir af fjórum for­setum Alþýðu­sam­bands Íslands gegni nú trún­að­ar­störfum fyrir jafn­að­ar­manna­flokk Íslands og við­eig­andi að þetta skuli ger­ast á 106 ára afmæli Alþýðu­sam­bands­ins og Alþýðu­flokks­ins.“

Undir lok færsl­unnar segir Jóhann að Sam­fylk­ingin úti­loki ekki vegna átaka innan hreyf­ing­ar­innar. Hann tekur ekki fram um hvaða átök hann er að tala um en lík­lega er hann þó að vísa í átökin sem hafa átt sér stað innan Eflingar að und­an­förnu.

Gagnrýnir Jóhann

Sólveig er ekki sú eina sem tekur til máls í athuga­semda­kerf­inu en fjöl­margir stuðn­ings­menn hennar gera það einnig og hjóla í Jóhann vegna orða hans um átökin. Í einni athuga­semd­inni segir til að mynda að færsla Jóhanns sé „bein stríðs­yf­ir­lýs­ing“ á hendur „stærsta alvöru verka­lýðs­fé­lagi lands­ins“.

Einn með­limur Sós­í­alista­flokks­ins veltir því þá fyrir sér hvers vegna Halldóra Sigríður var kjörin vegna þess sem hún sagði í kjöl­far frétta­flutn­ings­ins um vef­síðu Eflingar. „Ef það er verið að brjóta lög er það mjög al­var­leg­ur hlut­ur,“ sagði Halldóra meðal ann­ars um málið.

„Var Halldóra ekki að úthúða Sólveigu Önnu og Víðari um að hygla Andra fyrir vef­síðu­gerð?“ spyr sós­í­alist­inn í athuga­semd­inni sem um ræðir. „Og ekk­ert á rökum reist. Og mér sýn­ist þetta fólk hafa þræði til gömlu hirðar Ásmundar og Salek. Þetta er ekki progressive. En það ert þú hins­vegar á Alþingi.“

Jóhann svarar athuga­semd­inni frá sós­í­alist­anum og segir að jú, Halldóra Sigríður hafi tjáð sig um vef­síðu-málið í fjöl­miðlum.

„Get samt alls ekki fall­ist á að þá verði Halldóra ein­hvern veg­inn geisla­virk og per­sona non grata og að stjórn­mála­flokkar eigi að halda henni utan gras­rót­ar­starfs, hugn­ast alls ekki svo­leiðis nálgun,“ segir hann svo. Þá segir Jóhann að hann gruni að Halldóra hafi ekki verið kosin vegna skoð­unar hennar á Eflingu.

„Mig grunar reyndar að Halldóra hafi fengið góða kosn­ingu vegna þess að hún er 3. vara­for­seti ASÍ og leið­togi stórs stétta­fé­lags frekar en vegna deilna um Eflingu.“