Ásakanir um kynferðisbrot innan Sinfóníunnar – Skrifum Kristjáns Jóhannssonar eytt af Facebook

„Vel gert. En það er ekki jafn vel gert að hylma yfir starfs­manni sek­ann um kyn­ferð­is­legt afbrot. Er ekki ráð að skoða það mál opin­ber­lega og heið­ar­lega kæra stjórn,“ skrif­aði Kristján Jóhanns­son, einn ást­sæl­asti óperu­söngv­ari Íslands, við færslu á Facebook síðu Sin­fón­íu­hljóm­sveitar Íslands fyrir skömmu.

Umrædd færsla fjall­aði um áform­aða tón­leika Sin­fón­íu­hljóm­sveit­ar­innar 24. mars síð­ast­lið­inn. Ágóði miða­söl­unnar rann óskiptur til neyð­ar­söfn­unar Þroska­hjálpar fyrir fatlað fólk í Úkraínu.
„Fatlað fólk er sér­stak­lega ber­skjaldað í stríðs­á­tökum og staða þess í Úkraínu er grafal­var­leg. Fatlað fólk getur ekki flúið vegna aðstæðna sinna, getur illa orðið sér út um mat, lyf og aðrar nauð­synjar. Einnig aukast líkur á ofbeldi, að fatlað fólk verði skilið eftir og að það sé án aðstoðar og stuðn­ings,“ sagði í til­kynn­ingu á vef Sin­fón­íu­hljóm­sveit­ar­innar.

Stuttu fyrir tón­leik­ana skap­að­ist umræða á Facebook-síðu hljóm­sveit­ar­innar þar sem fólk þakk­aði fyrir fram­lagið. Þræðinum var eytt skömmu síðar en má sjá mynd af ummæl­unum hér að neðan. Kristján vildi ekki tjá sig frekar um málið þegar blaða­maður Mannlífs hafði sam­band við hann í dag en vís­aði á stjórn­endur Sin­fón­íu­hljóm­sveit­ar­innar.
Margrét Ragn­ars­dóttir, mark­aðs- og kynn­ing­ar­stjóri Sin­fón­íu­hljóm­sveit­ar­innar kann­að­ist ekki við málið í sam­tali við Mannlíf nú í morgun.
„Ég er ekki neitt inni í þessu,“ sagði Margrét í morgun og kvaðst aldrei hafa heyrt af slíkum ásök­unum innan Sin­fón­í­unnar. Þá vís­aði hún á Láru Sóleyju Jóhanns­dóttur, fram­kvæmda­stjóra Sin­fón­í­unnar. Ekki náð­ist í hana við vinnslu frétt­ar­innar þrátt fdyrir ítrek­aðar til­raunir.
Uppfært: Samkvæmt nýrri yfir­lýs­ingu frá Láru Sóleyju kemur fram að Sin­fón­íu­hljóm­sveitin hafi ekki eytt umræddri fræslu. Hafi það verið aug­lýs­ing sem hafi dottið út. Hún vildi ekki tjá sig um ásak­anir innan hljóm­sveit­ar­innar.