Telur forstjóra Samherja hafa grætt 25 milljónir á Íslandsbanka: „Ekki slæm ávöxtun á þremur vikum“

Bar­áttu­mað­ur­inn Óskar Steinn Ómarsson er með skoð­anir á hlut­unum og fer ekk­ert í felur með þær. Hann ritar áhuga­verðan pistil þar sem umfjöll­un­ar­efnið er salan á Íslands­banka:„Í gær­kvöldi birti ég færslur þar sem ég hélt því fram að nokkrir aðilar sem fengu að kaupa í lok­uðu útboði á Íslands­banka í síð­asta mán­uði væru búnir að selja sína hluti með tug­millj­óna króna hagn­aði. Upp­lýs­ing­arnar byggði ég á frétta­flutn­ingi Kjarnans, sem kom svo í ljós að var rangur. Ein­stak­ling­arnir sem um ræðir eru víst ekki búnir að selja. Þetta leið­rétt­ist hér með,“ segir Óskar Steinn og bætir við:„Hið rétta er að þeir halda flestir enn á sínum hlutum og geta því vænst þess að þeir hækki ennþá meira í verði.“

Óskar Steinn Ómarsson

Óskar Steinn bendir á nokkra sem keyptu í Íslands­banka en hafa ennþá ekki selt hlut sinn, eins og lang­flestir sem keyptu hafa nú þegar gert:

„Ef við gerum ráð fyrir að kaup­end­urnir eigi allir eftir að leysa út sinn hagnað, þá er staðan þessi þremur vikur eftir útboð, miðað við gengi hluta­bréfa í Íslands­banka í dag: Hlutur Bene­dikts Sveins­sonar, föður fjár­mála­ráð­herra, hefur hækkað í verði um fjóra og hálfa milljón. Hlutur Pálma Har­alds­sonar, kenndur við Fons, hefur hækkað í verði um 19 millj­ónir. Hlutur Karls Wernerssonar (sem er að nafn­inu til skráður á son hans)  hefur hækkað í verði um 19 millj­ónir. Hlutur Þor­steins Más Bald­vins­sonar, for­stjóra Samherja, hefur hækkað í verði um rúmar 25 millj­ónir. Hlutur Jóns Ásgeirs Jóhann­es­sonar hefur hækkað í verði um 38 og hálfa milljón. Hlutur Ágústs og Lýðs Guð­munds­sona, kenndir við Bakkavör, hefur hækkað í verði um 40 millj­ónir króna. Hlutur Guð­bjargar Matth­í­as­dóttur, útgerð­ar­konu úr Vest­manna­eyjum, hefur hækkað í verði um 40 millj­ónir króna. Þessar upp­hæðir væru sumsé hreinn hagn­aður fyrr­nefndra ein­stak­linga ef þeir seldu sína hluti í dag. Ekki slæm ávöxtun á þremur vikum.“