Auður nýtur víðtæks stuðnings á samfélagsmiðlum: „Það geta allir gert mistök“

Auðunn Lúth­ers­son eða Auður eins og flestir þekkja hann steig fram í fyrsta sinn eftir ásak­anir í hans garð í Íslandi í dag á Stöð 2.

Auðunn náði ótrú­legum vin­sældum árið 2018 eftir útgáfu plöt­unnar Afsak­anir, hann var um tíma einn visæl­asti tón­list­ar­maður lands­ins.

Í byrjun síð­asta sum­ars komu fram sögur frá nokkrum konum sem ásaka hann um ofbeldi í þeirra garð. Auðunn segir í við­tal­inu að hann hafi aldrei ætlað sér að fara yfir mörk eða beita ofbeldi og að hann hafi hrein­lega ekki áttað sig á því. Hann axlar ábyrgð á gjörðum sínum en segir þó ekki allar sög­urnar vera sannar. Hann við­ur­kennir að hafa farið yfir mörk en ásak­anir um frels­is­svipt­ingar, þögg­un­ar­samn­inga og brot gegn ólög­ráða stúlkum séu ekki sannar.

Hann hefur stundað mikla sjálf­skoðun og unnið með sál­fræð­ingi.

Flestir virð­ast taka vel í við­talið og hæla Auðni fyrir að stíga fram og axla ábyrgð. Bubbi Morthens deilir við­tal­inu á Twitter síðu sinni og skrifar ein­fald­lega „Vel gert.“

Ummæli á Facebook eru einnig flest á jákvæðan máta og segj­ast nokkrir von­ast til þess að fá að heyra meira frá honum.

„Risa­stórt comeback Auðars á þessu ári. Og ég verð að hrósa honum fyrir nýja útlitið. Hann lítur mikið mynd­ar­legri og betur út núna. Ég játa að ég var ekk­ert hrif­inn af hans tón­list en hann er góður strákur og flottur tón­list­ar­maður. Það geta allir gert mis­tök. Ég hef gert mis­tök, þú ábyggi­lega líka. Við öll reyndar. Það fer eng­inn í gröf­ina án þess að hafa gert mis­tök. Batnandi manni er best að lifa,“ skrifar Friðjón og fleiri taka undir: „Bíð eftir að heyra nýtt efni frá þessum hæfi­leik­a­ríka strák,“ skrfar Jóna.