Blóðmerahald áfram leyft – Reglugerð sett á til þriggja ára

Svandís Svav­ars­dóttir, mat­væla­ráð­herra, hefur ákveðið að setja á reglu­gerð um blóð­mera­hald sem gildir til næstu þriggja ára eða til 2025. Í reglu­gerð­inni mun koma fram hvað hvaða skil­yrði starf­semin þarf að upp­fylla og jafn­framt að starf­semin sé leyf­is­skyld.

Mjög skiptar skoð­anir eru á meðal hrossa­bænda um hvort halda skuli blóð­mera­haldi áfram á Íslandi. Margir hrossa­bændur telja þennan rekstur skaða ímynd Íslands sem upp­runa­land íslenska hests­ins. Ísland er eina landið þar sem blóð­taka úr fyl­fullum og mylkum hryssum er stunduð, en starf­semin er ekki bönnuð með dýra­vernd­un­ar­lögum í neinu Evr­ópu­landa.

Siðferðileg álitamál

Starfs­hópur mat­væla­ráð­herra skil­aði af sér áliti um starf­semi við blóð­töku hryssna. Í skýrsl­unni segir að með slíkri reglu­gerð yrði hin óljósa rétt­ar­staða starf­sem­innar færð til betri vegar. Þriggja ára gild­is­tími reglu­gerð­ar­innar verði nýttur til að fylgj­ast með fram­kvæmd starf­sem­innar og leggja mat á fram­tíð hennar. Þá verður efnt til sér­stakrar umfjöll­unnar um sið­ferði­leg álita­mál tengd starf­sem­inni.

Hópurinn telur einnig nauð­syn­legt að óháður aðili sann­reyni mæl­ingar á blóð­bú­skap hryssnanna og að skil­yrði verði sett um ald­urs­bil hryssna í blóð­töku, hámarks­fjölda í stóðum og hámarks­fjölda sem dýra­læknir má hafa umsjón með í blóð­töku.