Sofie Hermansen Eriksdatter: Þetta er að „færast nær“

„Ég var á heim­ili mínu í Reykja­vík og mér varð mjög brugðið og hringdi í fjöl­skyldu mína,“ segir Sofie Herman­sen Eriks­datter, dönsk kona sem er búsett hér á landi, um við­brögð sín í kjöl­far skotárás­ar­innar í versl­un­ar­mið­stöð­inni Field’s í Kaup­manna­höfn í gær þar sem þrír lét­ust og enn fleiri særð­ust og þar af fjórir alvar­lega eftir að ungur maður skaut á fólk með riffli. Við­bún­að­ar­stig í Kaup­manna­höfn hefur verið hækkað auk þess sem við­burðum hefur verið aflýst. Þess má geta að Jónshús var opið Íslend­ingum í kjöl­farið og á mbl.is kemur fram að þeir Íslend­ingar sem þangað leit­uðu hafi ann­að­hvort verið inni í versl­un­ar­mið­stöð­inni eða við hana þegar að skotárás­in átti sér stað. Annað kvöld verður svo haldin minn­ing­ar­at­höfn fyrir utan Field’s.

„Þau voru í áfalli og sögðu að öll neyð­ar­þjón­usta í Kaup­manna­höfn væri í við­bragðs­stöðu vegna þessa og að það væri mjög sorg­legt að þetta hefði gerst,“ segir Sofie við Mannlíf um fólkið sitt í Danmörku.

Sofie bendir á skotárás­ina í Ósló í síð­ustu viku og að hún hafi haft sömu­leiðis mikil áhrif á sig og hafi fundið til með Norð­mönnum. „Þetta er að „fær­ast nær“ og það var bara tíma­spurs­mál hvenær eitt­hvað álíka myndi ger­ast í Danmörku og svo gerð­ist það viku síðar. Ég tel að Danmörk sé almennt öruggur staður og fólk ætti að halda áfram lífi sínu eins og það er vant en sam­fé­lagið þarf að styrkja félags­lega sjálf­bærni og aðstoða fólk sem glímir við alvar­leg and­leg veik­indi miklu meira til að koma í veg fyrir að svona nokkuð ger­ist aftur.“

Sofie seg­ist halda að þessi árás muni hafa áhrif á fólk í allt sumar og segir hún að fólk á Íslandi sem hún hefur hitt sé líka sorg­mætt vegna þessa voða­at­burðar.“

Sofie er skrif­stofu­stjóri Bók­mennta­verð­launa Norð­ur­landa­ráðs með aðsetur í Norræna hús­inu og hefur búið á Íslandi í fjögur ár. Böndin á milli þjóð­anna tveggja, Íslands og Dan­merkur, eru sterk. Er hægt að styrkja börnin enn frekar og þá hvernig? „Það væri hægt með meiri sam­skiptum yngra fólks og þá sér­stak­lega bæði menn­ing­ar­lega og mennta­lega séð.“