Leit stendur yfir af þýskum ferðamanni í Flateyjardal – Skildi bíl sinn eftir fyrir tveimur vikum

Leit stendur yfir að þýskum ferða­mann í eyði­byggð­inni á Flat­eyj­ar­dal á skag­anum milli Eyja­fjarðar og Sjálf­anda. Maðurinn er einn á ferð.

Að sögn Rúv er fjöl­mennt lið björg­un­ar­sveita og lög­reglu á svæð­inu við leit að mann­inum. Maðurinn er fæddur árið 1947 og er einn á ferð. Skildi hann bíl sinn eftir við Eyði­bílið Hof fyrir tveimur vikum síðan. Samkvæmt heim­ildum Rúv, skildi mað­ur­inn eftir bréf í bílnum þar sem hann sagð­ist ætla að ganga úr Flat­eyj­ar­dal yfir í Fjörður og aftur til baka.

Búið er að kalla út björg­un­ar­sveitir sem eru nú við leit, bæði á landi og með drónum, er haft eftir Jóhannes Sig­fús­son aðstoð­ar­yf­ir­lög­reglu­þjónn hjá lög­regl­unni á Norð­ur­landi eystra. Aukreitis hafi aðgerð­ar­stjórn verið virkjuð á Húsavík.

Segir Jóhannes mikla áherslu lagða á ítar­lega leit fram á kvöld því slæm veð­ur­spá sé fyrir morg­un­dag­inn. Þá er einnig verið að rann­saka fyrri ferða­lög mann­ins, meðal ann­ars með hjálp ætt­ingja hans.