Segja Kópavogsbæ hygla fyrirtækinu Árkór: „Það er nauðsynlegt að rannsaka sölu á eignum bæjarins“

Bæj­ar­sjóður blæðir, fjár­festir græðir er yfir­skrift greinar þeirra Hákons Gunn­ars­sonar og Tryggva Fel­ix­sonar, sem fjallar um við­skipti Kópa­vogs­bæjar við fjár­festa­fyr­ir­tækið Árkór ehf.

Þeir félagar segja að „ef við­skipti Kópa­vogs­bæjar við fjár­festa­fyr­ir­tækið Árkór ehf. eru skoðuð vakna spurn­ingar um hverjum bæj­ar­yf­ir­völd í Kópavogi þjóna. Mán­að­ar­legar greiðslur úr bæj­ar­sjóði Kópavogs nema nú um 6,7 m.kr. til nefnds fyr­ir­tækis fyrir afnot hluta þess hús­næðis sem áður var í eigu bæj­ar­búa; hús­næði sem var selt í miklum flýti fyrir bæj­ar­stjórn­ar­kosn­ing­arnar vorið 2018. Þá nemur afsláttur sem bæj­ar­fé­lagið veitir sama fyr­ir­tæki á fast­eigna­gjöldum á hús­eign­inni Fannborg 2, gamla félags­heim­il­inu okkar Kópa­vogs­búa, um 6 m.kr. á ári.

Árlega gerir þetta tæp­lega 90 millj­óna króna milli­færslu á fjár­munum úr sam­eig­in­legum sjóði bæj­ar­búa yfir til fyr­ir­tæk­is­ins Árkórs ehf. fyrir afnot af hús­næði sem áður var í eigu bæj­ar­fé­lags­ins.“

Að auki benda þeir Hákon og Tryggvi á að „þetta sama fyr­ir­tæki (stofnað í mars 2018 og er án reynslu í bygg­inga- eða fast­eigna­við­skiptum) hefur fengið nokkuð frjálsar hendur um gerð deiliskipu­lags á svæð­inu sem fast­eign­irnar sem félagið keypti af bænum eru stað­settar á. Það deiliskipu­lag hefur verið til­efni víð­tækrar og alvar­legrar deilu og valdið miklum sárs­auka og ang­ist íbúa á svæð­inu.

Það er því eðli­legt að spurt sé: hverjum þjóna bæj­ar­yf­ir­völd í Kópavogi? Íbúum eða fjár­festum sem vilja ávaxta sitt pund með fast­eigna­við­skiptum í hjarta bæj­ar­fé­lags­ins?“

Einnig færa þeir í tal að „um leið og Kópa­vogs­bær gerði samn­ing­inn við Árkór ehf. 10 mín­útum fyrir kosn­ingar í maí 2018 samdi bær­inn um leigu á Fannborg 6 (óbreytt starf­semi!) á 3 millj­ónir á mán­uði í 5 ár. Sú upp­hæð var verð­tryggð og nemur nú 3,7 millj­ónum og fer hækk­andi í verð­bólgu.

Árkór reiddi fram 303 millj­ónir fyrir eign­ina og hefur fram til þessa fengið 200 millj­ónir króna úr bæj­ar­sjóði sem leigu­greiðslu. Með sama fram­haldi tekur það Árkór ehf. 8 ár að borga eign­ina upp að fullu með þeim leigu­greiðslum sem koma úr bæj­ar­sjóðnum sem seldi fyr­ir­tæk­inu eign­ina, en allt við­hald á eign­inni er á kostnað Kópa­vogs­bæjar.“

Bæta við:

„Kunn­áttu­menn um slíka samn­inga hafa upp­lýst okkur að þeir þekki engin slík for­dæmi.

Hið sögu­ríka félags­heim­ili Kópa­vogs­búa að Fannborg 2 var af bæj­ar­yf­ir­völdum fært á „fok­held­is­stig“ í júní 2019 og þar með lækk­uðu útgjöld Árkórs ehf. til bæj­ar­sjóðs um 6 m.kr. á ári. Bygg­ingin var þó ekki í verra ástandi en svo að útleiga eign­ar­innar hélt áfram.

Núver­andi leigj­andi er sá sami Kópa­vogs­bær sem taldi hús­næðið vera á „fok­held­is­stigi“. Húsnæðið var leigt af Kópa­vogsbæ fyrir kennslu (Kárs­nes­skóli og Kópa­vogs­skóli) en er nú nýtt sem athvarf fyrir fötluð börn. Úr bæj­ar­sjóði eru mán­að­ar­lega yfir­færðar um 3 millj­ónir króna til Árkórs ehf. fyrir að nýta hið fok­helda „félags­heim­ili“. Þá eru ótaldar leigu­tekjur Árkórs af samn­ingum við aðra eins og verk­fræði­stofu sem þarna var og kvitt­aði upp á gögn varð­andi sama deiliskipu­lag og Árkór hafði verið afhent sam­hliða sölu eign­anna.“

Einnig:

„Þá má geta þess að hluti sjón­varps­þáttar­að­ar­innar „Verbúðin“ var tek­inn upp í þessu hús­næði og Árkór hafði vænt­an­lega af því tekjur líka. Fjöl­miðlar hafa gert raunum íbúa í Fannborg 4 nokkur skil. Þar var opnað áfanga­heim­ili fyrir fólk í vímu­efna­vanda án þess að hús­næðið stæð­ist kröfur um eld­varnir. Bæj­ar­yf­ir­völd fóru ekki að ráðum starfs­manna um grennd­ar­kynn­ingu áður en heim­ild til starf­sem­innar var veitt. Ekki liggur fyrir hve miklar leigu­tekjur Árkór hlaut fyrir þá nýt­ingu húss­ins. Hitt er víst að aðkoma bæj­ar­yf­ir­valda að mál­inu var þeim ekki til sóma og olli ómældum áhyggjum hjá íbúum.“

Að lokum benda þeir Hákon og Tryggvi á að „meiri­hluti bæj­ar­stjórnar hefur eftir bæj­ar­stjórn­ar­kosn­ing­arnar sl. vor að stórum hluta verið skip­aður nýju fólki. Nýir vendir sópa best, segir mál­tækið. Það er nauð­syn­legt að rann­saka sölu á eignum bæj­ar­ins að Fannborg 2, 4 og 6 og hvernig bæj­ar­fé­lagið hefur staðið að samn­ingum við Árkór ehf. Örugg­lega má af því draga dýran lær­dóm. Hugs­an­lega leiðir sú rann­sókn til þess að sækja má bætur til þeirra sem bera ábyrgð á því hve illa hefur verið farið með fé í sam­eig­in­legum sjóði bæj­ar­búa í fram­an­greindum við­skiptum.“