Það er hellingur í gangi hjá hinum þekkta tónlistarmanni Einari Ágústi Víðissyni, og nú er kappinn að gefa út nýtt lag, sem kemur út á morgun:
„Já, ég er að gefa út nýtt lag á afmælisdegi frumburðar míns.“
Lagið sem Einar Ágúst er að senda frá sér heitir „Þakka þér“ og er „lag til móður minnar og barnsmæðra.“
Hann segir einnig að „lagið mætti svo tileinka öllum konum sem eru að stíga inn í ljósið og nýja tíma úr aldagamalli heimsmynd eitraðrar karlmennsku.“
Lagið samdi danskur lagahöfundur að nafni John Gordon, sem samdi með Einari Ágústi lagið „Hvað er að lokum?“ sem Stefán Hilmarsson söng með honum árið 2007.
Einar Ágúst segir að „John samdi einnig sigurlag Þjóðverja í Eurovision árið 2010, sem Lena söng, Satellite, svo eitthvað sé nefnt, en hann er lagahöfundur að atvinnu.“
Hann segir lagið vera „hugljúft popp með smá soul fíling.“
Og það er einvalalið sem kemur að gerð lagsins frá til ö. Einar Ágúst samdi sjálfur textann, en um trommuleik sá Gunnar Leó Pálsson, Helgi Reynir Jónsson spilar á píanó, hljómborð, orgel og gítar. Sá sem plokkar bassann er Baldur Kristjánsson, en um upptökur, gítarsóló og píanó sá sjálfur Vignir Snær Vigfússon.
Lagið Þakka þér kemur út á morgun á öllum streymisveitum.
Athugasemdir