Hrafn Jökulsson er látinn: „Sá sem bjargar einu barni bjargar öllum heiminum“

Hrafn Jök­uls­son, rit­höf­undur, umhverf­is­sinni og skák­fröm­uður er lát­inn, 57 ára að aldri.

Hrafn Jök­uls­son skák­fröm­uður, rit­höf­undur og bar­áttu­maður er lát­inn, 57 ára að aldri.

Hrafn fædd­ist árið 1965 og var sonur Jökuls Jak­obs­sonar rit­höf­undar og Jóhönnu Krist­jóns­dóttur blaða­manns.

Á ævi sinni starf­aði Hrafn meðal ann­ars sem blaða­maður, rit­stjóri, gaf út ljóða­bækur, skáld­sögur og ævi­sögur og þá lagði hann einnig fjöl­mörgum góð­gerð­ar­fé­lögum við. Árið 1998 stofn­aði Hrafn Skák­fé­lagið Hrókinn árið 1998 en félagið kynnti skák fyrir börnum bæði á Íslandi og á Græn­landi.

Í sumar greind­ist Hrafn með krabba­mein í hálsi í sumar sem hann skýrði Surtlu en hann var dug­legur að lýsa bar­áttu sinni við meinið á Facebook.

Í síð­ustu færslu sinni kom hans hinsta ósk fram en þar hvatti hann fólk til þess að styðja við sam­tökin Björt sýn sem rekur mun­að­ar­leys­ingja­heim­ili í Kenya: „Sá sem bjargar einu barni bjargar öllum heim­inum.“

Eig­in­kona Hrafns var Oddný Hall­dórs­dóttir en hann lætur eftir sig fjögur börn, Þorstein Mána, Örnólf, Þórhildi Helgu og Jóhönnu Engilráð.

Mannlíf óskar aðstand­endum inni­lega samúð sína. Blessuð sé minn­ing Hrafns.